Kólik mınıstrligi jekemenshik poıyzdarǵa tekserý júrgizip, kemshilikterdi anyqtady
ASTANA. KAZINFORM — Kólik mınıstrligi Bas kólik prokýratýrasynyń ókilderimen birlesip, jekemenshik tasymaldaýshylar poıyzdaryna ınspektsııalyq tekserýler júrgizdi.
Tekserýlerdiń maqsaty – qaýipsizdik standarttarynyń, sanıtarlyq normalardyń saqtalýyn jáne jolaýshylarǵa kórsetiletin qyzmet sapasyn baqylaý.
Reıdtik is-sharalar barysynda mobıldi toptar kelesi kompanııalardyń poıyz quramdaryn tekserdi:
«SARY-ARKA KOMPANI» JShS (№57 baǵyt Astana – Oral);
«KAZ RAIL» JShS (№655T baǵyt Astana – Arqalyq);
«TÝRKSIB ASTANA» JShS (№43 baǵyt Qostanaı – Almaty);
«Nomadas» JShS (№55 baǵyt Qyzylorda – Kókshetaý).
Tekserý barysynda vagondardyń tehnıkalyq jaı-kúıine, múmkindigi shekteýli jandarǵa arnalǵan arnaıy kýpelerdiń jabdyqtalýyna, tósek-oryn jabdyqtarynyń tazalyǵyna, sondaı-aq beınebaqylaý júıeleriniń jumysyna erekshe nazar aýdaryldy. Qaraý nátıjesinde ishki ınventar jaǵdaıy men qyzmet kórsetý sapasyna qatysty jekelegen zań buzý anyqtaldy.
Tekserý qorytyndysy boıynsha tasymaldaýshylardyń jumysyndaǵy kemshilikter anyqtalyp, tıisti nusqamalar berildi, aktiler rásimdeldi.
Kólik mınıstrligi jolaýshylarǵa anyqtalǵan zańbuzýshylyqtar týraly +7 700 098 35 35 nómiri arqyly messendjerler arqyly Jedel ahýal ortalyǵyna habarlasýǵa bolatynyn eskertedi.
Aıta ketelik Mańǵystaýda poıyzdan 84 lıtr zańsyz alkogol tárkilengen edi.
