Kólik mınıstrligi temirjoldaǵy tozǵan jyljymaly quramdy tirkeýge shekteý engizýdi usyndy

ASTANA.KAZINFORM – Kólik mınıstrligi temirjol salasynda qoldanylatyn jyljymaly quramdy memlekettik tirkeý jáne memlekettik jyljymaly quram tiziliminen alyp tastaý qaǵıdalaryna ózgerister engizý jobasyn «Ashyq NQA» portalyna qoǵamdyq talqylaýǵa jarııalady. 

Atap aıtqanda, bul sharalar Premer-mınıstrdiń birinshi orynbasary Roman Sklıardyń bıylǵy 26 qańtardaǵy tapsyrmasyna sáıkes júzege asyrylyp jatyr.

– Jobanyń negizgi maqsaty – temirjol kóligin paıdalaný qaýipsizdigin arttyrý jáne Qazaqstan aýmaǵynda paıdalanylatyn jyljymaly quram parkin jańartý. Qujatqa sáıkes qyzmet etý merzimi aıaqtalǵan nemese edáýir tozǵan jyljymaly quramnyń memlekettik tirkeýin shekteý usynylady. Bul ózgerister apattylyq deńgeıin tómendetýge, kólik qaýipsizdigin arttyrýǵa jáne jyljymaly quramdy jańartý men jańǵyrtýdy yntalandyrýǵa baǵyttalǵan, – delingen habarlamada.

Ázirleýshi organ boljamynsha, bul sharalar tasymaldaý protsesine qatysýshylardyń qaýipsizdigin qamtamasyz etetin júıeni nyǵaıtyp, ýákiletti organdar men kólik kásiporyndarynyń qyzmetine qoǵam senimin arttyrady.

Aıta keteıik, Temirjol torabynyń eki ýchaskesinde poıyz ben avtokólik soqtyǵysa jazdady.

Sonymen qatar Qazaqstan temirjol ónimderin Pákistan naryǵyna eksporttaıtynyn jazǵanbyz.

Eske sala keteıik, Memleket basshysy jańa temirjol jelilerin iske qosýdy tapsyrdy.