Qazaqstandyq avıakompanııalar Taıaý Shyǵystan 2 naýryzǵa 13 reıs josparlady

Qazaqstan Respýblıkasy Kólik mınıstrliginde Taıaý Shyǵystaǵy qalyptasqan jaǵdaıǵa baılanysty jedel shtab otyrysy ótti.

Shtab quramyna Azamattyq avıatsııa komıtetiniń, «Qazaqstannyń avıatsııalyq ákimshiligi» AQ, «Qazaeronavıgatsııa» RMK, Eır Astana, Fly Arystan, SCAT jáne Vietjet Qazaqstan avıakompanııalarynyń ókilderi kiredi.

Otyrys barysynda kelesi máseleler talqylandy:

1) Taıaý Shyǵys elderindegi aǵymdaǵy jaǵdaı;

2) toqtatylǵan reısterdiń jolaýshylaryn qoldaý sharalary;

3) avıakompanııalardyń balamaly jáne qaýipsiz avıamarshrýttardy paıdalana otyryp, jolaýshylardy Qazaqstanǵa qaıtarý jónindegi josparlary.

Qazirgi ýaqytta kelesi memleketterde: Iran, Izraıl, Birikken Arab Ámirlikteri, Bahreın, Kýveıt, Iordanııa, Saýd Arabııasy, Katar, Oman, Irak jáne Lıvan áýe keńistigi jabyq nemese turaqsyz jaǵdaı saqtalyp otyr. Osyǵan baılanysty, osy elderden Qazaqstanǵa 28 aqpanda 14 reıs jáne 1 naýryzǵa 12 reıs toqtatyldy.

Sondaı-aq, ushý kestesi boıynsha Taıaý Shyǵys elderinen 2 naýryzǵa 13 reıs josparlanǵan.

— Sonymen qatar ushýlar shekteýmen oryndalyp jatqan elder boıynsha monıtorıng nátıjeleri, atalǵan memleketterdegi jolaýshylar sany, onyń ishinde QR azamattarynyń jaǵdaıy qaraldy. Otandyq áýe kompanııalarymen birlesip Taıaý Shyǵys elderinen azamattardy alyp kelý úshin balamaly ári qaýipsiz áýe baǵyttary qaraldy, — delingen mınıstrlik habarlamasynda.

Áýe keńistigi ashylǵan jaǵdaıda áýe kompanııalar áýe kemelerin usynýǵa jáne keri reısterdi oryndaýǵa daıyn ekenin málimdedi.

Jedel shtab turaqty negizde monıtorıng júrgizip, múddeli memlekettik organdarmen ózara is-qımyldy qamtamasyz etýde.

Jolaýshylarǵa jedel kómek kórsetý maqsatynda Avıatsııalyq ákimshilik bazasynda táýlik boıy jumys isteıtin koll-ortalyq uıymdastyryldy:

+7 (717-27) 7-98-21

+7 (717-27) 9-82-13

+7 (717-27) 9-82-14

Reıster mártebesi boıynsha jolaýshylarǵa kelesi baılanys nómirlerine júginý usynylady:

 Air Astana

+7 (727-24) 4-44-77

+7 (717-25) 8-44-77

+7 (702-70) 2-44-77

FlyArystan

+7 (727-33) 1-10-10

WhatsApp: +7 (702-70) 2-02-27

SCAT Airlines

+7 (725-29) 9-88-80

Qazaq Air

+7 (727-35) 6-14-14

Nursultan Nazarbaev atyndaǵy halyqaralyq áýejaı

+7 (717-27) 0-29-99

Almaty halyqaralyq áýejaıy

+7 (727-22) 8-00-19

Aıta ketelik SІM qazaqstandyqtardy eskalatsııa aımaqtarynan shyǵarý baǵyttaryn pysyqtap jatqany týraly jazǵan edik.