Kólik mınıstrleriniń ekinshi kezdesýinde Yntymaqtastyq memorandýmyna qol qoıyldy
ASTANA. KAZINFORM – Ortalyq Azııa memleketteri basshylarynyń VI-konsýltatıvtik kezdesýi qarsańynda, Astana qalasynda Ortalyq Azııa elderiniń kólik mınıstrleriniń ekinshi basqasýy ótti. Іs-sharaǵa Qazaqstan, Qyrǵyzstan, Tájikstan, Túrikmenstan jáne Ózbekstan Kólik mınıstrleri qatysty.
![встреча министров транспорта стран ЦА](/static/img/plug.webp)
Kezdesý barysynda Mınıstrler tranzıttik dálizder, temirjol jáne avtomobıl tasymaldary, sondaı-aq áýe kóligi salalaryndaǵy yntymaqtastyqtyń ózekti máselelerin talqylady. Avtomobıl jáne temir joldardy salýǵa, halyqaralyq áýe qatynasy jelisin keńeıtýge baǵyttalǵan ózara baılanysty damytý boıynsha elder júrgizip jatqan saıasat erekshe atap ótildi. Іs-shara qorytyndysy boıynsha taraptardyń yntymaqtastyqty odan ári nyǵaıtý nıetin bekitetin Astana kommıýnıkesine qol qoıyldy.
![Memorandým o sotrýdnıchestve ı Astanınskoe kommıýnıke podpısalı na vstreche mınıstrov transporta stran TsA vstrecha mınıstrov transporta stran TsA](https://img.inform.kz/kazinform-photobank/media/2024-08-09/cd0f2c08-2ed6-4282-b958-18333255082c.jpeg)
«Mınıstrler ınvestıtsııalar tartý, ınfraqurylymdy damytý jáne kólik-logıstıkalyq ortalyqtardyń qyzmetin retteıtin normatıvtik-quqyqtyq bazany jetildirý úshin qolaıly orta qurý sheńberinde elderdiń ózara is-qımylyna baǵyttalǵan Memorandýmǵa qol qoıdy», — delingen habarlamada.
Bul Memorandým — 2023 jyly Dýshanbe qalasynda qol qoıylǵan Ortalyq Azııadaǵy jer ústi kóliginiń ózara baılanysyn nyǵaıtý týraly kópjaqty kelisimniń qısyndy jalǵasy.
![vstrecha mınıstrov transporta stran TsA vstrecha mınıstrov transporta stran TsA](https://img.inform.kz/kazinform-photobank/media/2024-08-09/38493805-80c6-44b1-a7e1-11008a8d84f4.jpeg)
Delegatsııa Astana qalasyndaǵy Elektrovoz qurastyrý zaýytyna bardy. Kásiporyn otandyq lokomotıv qurylysynyń óndiristik múmkindikterin kórsetti. Sondaı-aq qonaqtar kólik mınıstrligi uıymdastyrǵan Jolshylar kúnine arnalǵan saltanatty jınalysqa qatysty.