Kólik qujattarynyń biryńǵaı júıesin qoldaný 2027 jylǵa deıin toqtatyldy
ASTANA. KAZINFORM — Qazaqstanda 2027 jylǵy 1 maýsymǵa deıin kólik qujattaryn basqarýdyń biryńǵaı júıesin qoldaný ýaqytsha doǵaryldy. Mundaı ózgeris 2026 jylǵy 23 shildede Kólik mınıstri mindetin atqarýshynyń buıryǵymen engizildi.
Atap aıtqanda, 2015 jylǵy 26 naýryzdaǵy «Avtomobıl kóligimen júk tasymaldaý qaǵıdalaryn bekitý týraly» buıryqtyń bir bóliginiń qoldanysy toqtatyldy.
Qujatqa sáıkes, 2027 jylǵy 1 maýsymǵa deıin kólik qujattaryn basqarýdyń biryńǵaı júıesi paıdalanylmaıdy. Bul júıe avtomobıl kóligi salasyndaǵy tasymaldaý qyzmetine qatysty qujattardy tirkeýge, esepke alýǵa, óńdeýge jáne saqtaýǵa arnalǵan. Sonymen qatar, júıe arqyly kólik qujattary týraly nysandalǵan málimetter ýákiletti memlekettik organdar men tasymaldaý úderisine qatysýshylarǵa joldanady.
Buıryq alǵashqy resmı jarııalanǵan kúni kúshine endi.
Aıta keteıik, buǵan deıin Kólik mınıstrligi poıyzdardy ınternetpen qamtýdy jyl sońyna deıin aıaqtaýdy tapsyrǵanyn jazǵanbyz.
