Kólik qujattaryn basqarýdyń biryńǵaı júıesinde mindetti tirkeý toqtatyldy
ASTANA. KAZINFORM — 2026 jylǵy 1 maýsymǵa deıin taýar-kólik júk qujattary men jol paraqtaryn kólik qujattaryn basqarýdyń biryńǵaı júıesinde (KQBBJ) mindetti tirkeý toqtatyldy, dep habarlaıdy Avtomobıl kóligi jáne kóliktik baqylaý komıteti.
— Bul sheshimge sáıkes tehnıkalyq ruqsat etilgen eń joǵary salmaǵy 3,5 tonnadan asatyn júk kólikteriniń jol paraqtary men taýar-kólik júkqujattary qaǵaz túrde rásimdelse de, olardy KQBBJ-da tirkeý mindetti emes bolady, — delingen komıtet taratqan aqparatta.
KQBBJ — avtomobıl kóligi salasyndaǵy tasymaldaý qyzmetine qatysty qujattardy tirkeý, esepke alý jáne óńdeýdi elektrondy túrde júrgizetin aqparattyq júıe.
Avtomobıl kóligi jáne kóliktik baqylaý komıtetiniń málimetinshe, bul ýaqytsha shara naryqtaǵy qatysýshylarǵa yńǵaıly jaǵdaı jasaý jáne júıege qajetti túzetýler engizý úshin qabyldandy. Buıryq Qazaqstan Respýblıkasynyń Ádilet mınıstrliginde tirkelip, barlyq memlekettik organdarmen kelisildi.
Buǵan deıin Qazaqstan arqyly júk tasymalynyń jalpy kólemi 7,1% óskenin jazǵan edik.