Kólik quraldaryn tehnıkalyq baıqaýdan ótkizý rásimderine ýaqytsha ózgeris engiziledi
Baspasóz qyzmetiniń málimetterine qaraǵnda, Kólik mınıstrligi 2023 jylǵy 5 jeltoqsanda «Qazaqstan Respýblıkasy Investıtsııalar jáne damý mınıstri mindetin atqarýshysynyń 2015 jylǵy 26 naýryzdaǵy «Mehanıkalyq kólik quraldaryn jáne olardyń tirkemelerin mindetti tehnıkalyq baıqaýdy uıymdastyrý men júrgizý qaǵıdalaryn, mehanıkalyq kólik quraldaryn jáne olardyń tirkemelerin, Qarýly Kúshterdiń, basqa da áskerler men áskerı quralymdardyń mehanıkalyq kólik quraldary men olardyń tirkemelerin qospaǵanda, mindetti tehnıkalyq baıqaýdan ótkizýdiń kezeńdiligin bekitý týraly» №329 buıryǵynyń keıbir normalarynyń is-qımylyn toqtata turý týraly» № 114 buıryǵyn qabyldaǵan bolatyn.
Atap aıtqanda, 2025 jylǵy 1 qańtarǵa deıin kórsetilgen Qaǵıdalardyń 23-tarmaǵynyń 6-tarmaqshasynyń, 26-1-tarmaǵynyń jáne 31-tarmaǵynyń 6-8-tarmaqshalarynyń qoldanylýy toqtatyldy. Olar qaýipsizdik talaptaryna sáıkestigi týraly kýálikterdi tekserý jáne gaz ballondy jabdyqqa merzimdi synaqtar júrgizý, mindetti tehnıkalyq baıqaý júrgizý kezinde dıagnostıkalyq kartaǵa avtomobılge ornatylǵan gaz ballonynyń serııalyq nómirin engizý týraly talaptardy qamtıdy
QR Kólik mınıstrliginiń buıryǵy Ádilet mınıstrliginde 2023 jylǵy 13 jeltoqsanda № 33769 bolyp tirkelip, «Ádilet» normatıvtik quqyqtyq aktileriniń aqparattyq-quqyqtyq júıesinde ornalastyryldy jáne 2023 jylǵy 30 jeltoqsannan bastap qoldanysqa engiziledi.
