«Kólik qatynasy qıyndaıdy»: Almaty áýejaıy jolaýshylarǵa eskertý jasady

ALMATY. KAZINFORM — 1 sáýirden bastap Almaty áýejaıynyń ishki reıster termınalynda syrtqy sýmen jabdyqtaý jáne órt sóndirý jelilerin jańartý jumystary bastaldy.

Áýejaı málimdemesine sáıkes, qazirgi ýaqytta termınal aldyndaǵy avtoturaq aýmaǵynda jer jumystary júrip jatyr. Bul osy alańdaǵy qozǵalysty ýaqytsha qıyndatady.

— Saparlaryńyzdy josparlaý kezinde áýejaıǵa keshigip qalmas úshin osy jaǵdaıdy eskerýlerińizdi suraımyz. Qurylys alańdaryna jaqyn jerde muqııat jáne saq bolyńyzdar. Jumystar 2025 jyldyń 1 qyrkúıegine deıin josparlanyp otyr, — dep habarlady áýejaıdyń baspasóz qyzmeti.

Eske salaıyq, buǵan deıin Astana men Almaty áýejaıynan bıometrııalyq sáıkestendirý arqyly ushýǵa bolatynyn jazǵanbyz.