Kólik durys qoıylmaǵan: Almatyda bir kúnde 30 kólik aıypturaqqa jetkizildi
ALMATY. KAZINFORM — Almatynyń ortalyǵynda turaqqa durys qoıylmaǵan kólikter evakýatsııalanyp jatyr.
Qalalyq polıtsııa departamentiniń málimetinshe, jol qozǵalysy erejelerin buzýdyń aldyn alý jumystary júrgizilip jatyr. Ásirese, qalanyń ortalyq bóligindegi jaǵdaı baqylaýǵa alynǵan.
— Kezekti reıd Almaly aýdanynda ótti. Іs-sharaǵa evakýatorlar jumyldyryldy. Alǵashqy saǵattyń ózinde 50-ge jýyq quqyq buzýshy anyqtaldy. Onyń ishinde 28 avtokólik arnaıy aıyppul turaǵyna jetkizildi. Zańsyz turaq — jaı ǵana tártip buzý emes. Ol keptelis týdyryp, joldaǵy qaýipsizdikke áser etedi, — dep habarlady departamentten.
Polıtsııa júrgizýshilerdi kólikterin ruqsat etilmegen oryndarǵa qaldyrmaýǵa shaqyrady.
Eske salaıyq, Almaty — Qorǵas avtojolynda eki kólik soqtyǵysyp, úsh adam mert boldy.
