Kólik, bilim, medıtsına, ónerkásip: Prezıdenttiń Qytaıǵa sapary aıasynda 30 kelisimge qol qoıyldy
Memleket basshysy Qasym-Jomart Toqaevtyń Qytaıǵa resmı sapary aıasynda qol qoıylǵan qujattar tizimi jarııalandy. Kazinform bul týraly Aqordaǵa silteme jasap habarlaıdy.
Sapar sheńberinde jalpy quny 16,54 mıllıard dollar bolatyn 30 kommertsııalyq qujatqa, sonyń ishinde ınvestıtsııalyq, saýda kelisimderine, óndiris tehnologııasyn berý, kredıt jelisin ashý jáne taǵy da basqa baǵyttardy qamtıtyn kelisimsharttarǵa qol qoıyldy.
Memleket basshysynyń qatysýymen mynadaı qujattarǵa qol qoıyldy:
- Tereftal qyshqylyn/polıetılentereftalat óndirý jobasynyń aldyn ala tehnıkalyq-ekonomıkalyq negizdemesin ázirleý jóninde «QazMunaıGaz» UK» AQ men SINOPEC arasyndaǵy kelisim;
- «CASPI BITUM» BK» JShS zaýytynyń munaı óńdeý qýatyn jylyna 1,5 mıllıon tonnaǵa deıin jetkizý jobasyn ilgeriletý jóninde «QazMunaıGaz» UK» AQ men CITIC Group arasyndaǵy ózara túsinistik týraly kelisim;
- «Qazposhta» AQ men YTO Express Group arasyndaǵy yntymaqtastyq týraly kelisim;
- «Qazaqstan Temir Joly» UK» AQ men CRRC Corporation Limited arasyndaǵy yntymaqtastyq jáne CRRC Corporation Limited ónimderin satyp alý týraly negizdemelik kelisim (saýda kelisimi);
- Jer qoınaýyn paıdalaný kelisimshartynyń jaramdylyq merzimin uzartý jóninde QR Energetıka mınıstrligi men China National Petroleum Corporation kompanııasynyń ekijaqty málimdemesi;
- «Sılleno» JShS-niń jarǵylyq kapıtalyna qatysý úlesin satyp alý-satý týraly «QazMunaıGaz» UK» AQ, SINOPEC jáne «SIBÝR» JShQ arasyndaǵy shart.
Sonymen qatar Qazaqstan Prezıdentiniń QHR-ǵa sapary sheńberinde kelesi qujattarǵa qol qoıyldy:
- «Samuryq-Qazyna» AQ, Shina Power International Holding men SANY Renewable Energy Co. Ltd arasyndaǵy yntymaqtastyq týraly kelisim;
- Ál-Farabı atyndaǵy Qazaq Ulttyq ýnıversıteti men Beıjiń munaı ýnıversıteti arasyndaǵy energetıka sektorynda ındýstrııany birlesip damytý, ǵylymı kadrlardy daıarlaý jáne birlesken ǵylymı zertteýler júrgizý úshin «Bir beldeý, bir jol» qaýymdastyǵyn qurý jónindegi yntymaqtastyq týraly kelisim;
- «Qazaqstannyń syrtqy saýda palatasy» JShS men Shenzhen Enterprise Confederation arasyndaǵy yntymaqtastyq týraly kelisim;
- «Samuryq-Energo» AQ men Power China Resources Ltd. arasyndaǵy jobany birlesip ázirleý jónindegi kelisim;
- «Samuryq-Qazyna» AQ men China Power International Holding arasyndaǵy birlesken ázirleme týraly kelisim;
- «QazMunaıGaz» UK» AQ men China National Offshore Oil Corporation arasyndaǵy yntymaqtastyq týraly kelisim;
- «QazaqGaz»UK» AQ men Geo-Jade Petroleum Corporation arasyndaǵy yntymaqtastyq týraly kelisim;
- «Qazaqstan ınjınırıng» UK» AQ men Liangjiang Precision Control Electronic Technology (Chongqing) Co. Ltd arasyndaǵy «Azamattyq maqsatta qoldanylatyn jarylǵysh zattardyń ındýstrııalyq parki» jobasyn iske asyrýǵa nıet bildirý týraly kelisim;
- Qazaqstan Respýblıkasy Energetıka mınıstrligi, «Qazaqstan Investment Corporation» AQ men China Huadian Overseas Investment arasyndaǵy ınvestıtsııalyq yntymaqtastyq týraly negizdemelik kelisim;
- «Qazaqstan temir joly» UK» AQ men «Lıanıýngan porty» kompanııalar toby» JShQ arasyndaǵy yntymaqtastyq týraly negizdemelik kelisim;
- Astana Motors pen BYD Auto Industry Co Ltd. arasyndaǵy energııanyń jańa kózderin paıdalanatyn avtomobılderdi tasymaldaý týraly dıstrıbıýtorlyq kelisim;
- Astana Motors pen TELD New Energy Co Ltd. arasyndaǵy dıstrıbıýtorlyq kelisim;
- Ál-Farabı atyndaǵy Qazaq Ulttyq ýnıversıteti men Beıjiń shet tilderi ýnıversıteti arasyndaǵy akademııalyq almasý jóninde qosymsha kelisim;
- «Samuryq-Qazyna» AQ men GPC Investment LLP, Bank of China Limited (Tokyo Branch), JSC AB «Bank of China Kazakhstan», China Construction Bank (Asia) Corporation Limited arasyndaǵy GPC Investment úshin kredıt jelisin ashý týraly kredıttik kelisim;
- «Samuryq-Qazyna» AQ men SANY Renewable Energy Co. Ltd. arasyndaǵy ınvestıtsııa jónindegi aldyn ala kelisim;
- Qazaqstan Respýblıkasy Energetıka mınıstrligi, «Samuryq-Qazyna» AQ men China National Petroleum Corporation arasyndaǵy ózara túsinistik týraly memorandým;
- «Qazaqstan Respýblıkasy Prezıdentiniń Іs basqarmasy Medıtsınalyq ortalyǵynyń aýrýhanasy» RMK ShJQ, «Astana medıtsına ýnıversıteti» KeAQ men BGI Group arasyndaǵy yntymaqtastyq jáne seriktestik týraly memorandým;
- «Qazposhta» AQ men Sai Cheng International Logistics Co., Ltd. arasyndaǵy yntymaqtastyq týraly memorandým;
- «Primus Capital» JShS men Sinoma Cement Co.Ltd arasyndaǵy ózara túsinistik týraly memorandým;
- «Astana medıtsına ýnıversıteti» KeAQ men Shanghai United Imaging Healthcare Co.Ltd arasyndaǵy ózara túsinistik týraly memorandým;
- Ál-Farabı atyndaǵy Qazaq Ulttyq ýnıversıteti men Beıjiń Til jáne mádenıet ýnıversıteti arasyndaǵy ózara túsinistik týraly memorandým;
- Qazaqstan Respýblıkasy Energetıka mınıstrligi men «CNPC-Aqtóbemunaıgaz» AQ arasyndaǵy jer qoınaýyn paıdalaný jónindegi kelisimshartqa №7 qosymsha;
- «Qazaqstan Investment Corporation» AQ men BGI Group arasyndaǵy Qazaqstan Investment Corporation kompanııasynyń Forebright Life Science Technology Fund qoryna qatysýyna baılanysty negizgi sharttar;
- «QazaqGaz» UK» AQ men Petrochina International Co.Ltd. arasyndaǵy tabıǵı gazdy satyp alý-satý sharty. Eske salaıyq, keshe Qasym-Jomart Toqaev Qytaı Halyq Respýblıkasyna resmı saparmen bardy.
Memleket basshysy QHR Tóraǵasy Sı Tszınpınmen kelissóz júrgizdi. Osy kelissóz nátıjesinde eki eldiń delegatsııa músheleri birqatar qujatqa qol qoıdy.
QR Prezıdenti Beıjińde Ábý Nasyr Ál-Farabıge qoıylǵan bıýstti saltanatty túrde ashty.
Keıin Q.Toqaev Beıjiń lıngvıstıkalyq ınstıtýtynda taǵylymdamadan ótken kezinde ózine dáris bergen professor Lıý Shıtsınmen áńgimelesip, SINOPEC kompanııasy dırektorlar keńesiniń tóraǵasy Ma ıÝnshendi qabyldady.
Odan ári Memleket basshysy YTO Express Co., Ltd kompanııasynyń basqarma tóraǵasy Iý Hýeı Dzıaony, CITIC Group kompanııasynyń basqarma tóraǵasy Chjý Hesındi qabyldady.
Al CRRC Sorporation Limited kompanııasynyń basqarma tóraǵasy ári atqarýshy dırektory Cýn ıÝntsaımen áńgime barysynda QTJ Qytaıdyń SRRC kompanııasymen quny 1,3 mlrd dollar bolatyn kelisimge qol qoıatyny belgili boldy.
