Kólik apatynan balalar ólimi jıilep ketti: Almaty polıtsııasy málimdeme jasady
ALMATY. KAZINFORM – Almaty polıtsııasy balalardyń qaýipsizdigine qatysty málimdeme jasady.
Almaty qalalyq polıtsııasy balalardyń qatysýymen bolatyn jol-kólik oqıǵalarynyń kóbeıgenin aıtyp dabyl qaǵýda.
Ókinishke qaraı, keıde jol apattary kámeletke tolmaǵandardyń ólimimen aıaqtalady.
– Bizdi balalardyń jol boıynda eresekterdiń qaraýynsyz qalyp qoıatyny jáne jol qaýipsizdiginiń qarapaıym daǵdylaryn bilmeıtindigi alańdatady. Bul - ata-analar men zańdy ókilderiniń nemquraılylyǵy men salǵyrttyǵynyń saldary. Balalardy qaraýsyz qaldyrmaýǵa shaqyramyz. Esińizde bolsyn, bir sát - orny tolmas nárse bolýy múmkin. Balanyń qaýipsizdigi - sizdiń tikeleı jaýapkershiligińiz, – dedi Almaty qalalyq PD anyqtaý basqarmasynyń bastyǵy Erjan Shaıhıev.
Sondaı-aq polıtsııa ókili QR Ákimshilik quqyq buzýshylyq týraly kodeksiniń 127-babyna engizilgen ózgertýlerge sáıkes, balalardyń qaýipsizdigin qamtamasyz etý jónindegi mindetterdi oryndamaǵany úshin jaýapkershilik endi ata-analar men zańdy ókiline júkteletinin eske saldy.
Eske salaıyq, 2 sáýir kúni Almatyda júk kóligi 7 jasar qyzdy basyp ketti. Jol-kólik oqıǵasynan oqýshy qyz mert boldy.
Sondaı-aq 3 sáýir kúni jol apatynan taǵy 7 jasar bala kóz jumdy.