Qolyna kisen salynǵan Madýro Nıý-Iorktegi federaldy sotqa jetkizildi
ASTANA. KAZINFORM — Venesýelanyń burynǵy prezıdenti Nıkolas Madýro men onyń áıelin tasymaldaǵan brondalǵan kólik Nıý-Iorktegi federaldy sot ǵımaratyna keldi, dep habarlaıdy Kazinform agenttigi.
Erli-zaıyptylar aldymen Nıý-Iork túrmesinen sot ǵımaraty janyndaǵy aýdanǵa tikushaqpen tasymaldandy. Sodan keıin olar brondalǵan kólikpen sot ǵımaratyna jetkizildi.
CNN arnasynyń habarlaýynsha, Madýro Nıý-Iorktegi federaldy sot aldynda esirtki jáne qarý-jaraq saqtaý aıyptaýlary boıynsha jaýap berýi tıis. Sottyń alǵashqy tyńdaýy Astana ýaqyty boıynsha saǵat 22:00–de bastalady.
BREAKING: Nicolás Maduro surrounded by heavy security as he is transported to New York City court ahead of his arraignment. pic.twitter.com/2EqrMrNKxe
— Fox News (@FoxNews) January 5, 2026
Atyshýly isti júrgizý 1998 jyly Bıll Klınton usynǵan jáne bekitken 92 jastaǵy federaldy sýdıa Elvın K. Hellershteınge tapsyryldy.
Nıý-Iorktiń Ońtústik okrýginiń aǵa sýdıasy Hellershteın 2001 jylǵy 11 qyrkúıektegi lańkestik shabýyldarǵa qatysty isterdi, sondaı-aq lańkestik jáne ulttyq qaýipsizdikke qatysty basqa da máseleler qaralǵan isterge tóraǵalyq etti.
Eske sala ketsek, buǵan deıin Venesýela prezıdenti jubaıymen birge ustalyp, elden evakýatsııalanǵanyn habarlaǵanbyz. Sondaı-aq Venesýeladaǵy oqıǵaǵa baılanysty álem elderiniń reaktsııasyn da jarııaladyq.
Óz kezeginde AQSh Venesýela prezıdentin «narkoterrorızm» úshin aıyptady.
Sonymen birge Venesýelaǵa qarsy áskerı operatsııaǵa 150 bombalaýshy, joıǵysh jáne barlaý ushaǵy qatysqanyn jazdyq.
