Kóliktiń júk salǵyshynda tasymaldanǵan nan taldyqorǵandyqtardyń narazylyǵyn týdyrdy
TALDYQORǴAN. QazAqparat - Kóliktiń júk salǵyshynda tasymaldanǵan nan taldyqorǵandyqtardyń narazylyǵyn týdyrdy. Osyndaı jaıtqa kýá bolǵan qala turǵyndary olardy sýretke túsirip, áleýmettik jelige júkteı bastady, dep habarlaıdy QazAqparat tilshisi.
Turǵyndardyń aıtýynsha, nan tasymaldaýda sanıtarlyq talaptardyń óreskel buzylýy birneshe yqsham aýdanda oryn alǵan. Máselen osyndaı jaıtqa kýá bolǵan taldyqorǵandyq Folksvagen Passat kóliginiń júk salǵyshyndaǵy nandy sýretke túsirip, áleýmettik jelige jarııalaǵan. Onyń aıtýynsha, bul jaǵdaı qaladaǵy 4-shi shaǵyn aýdanda bolǵan. Osyǵan uqsas taǵy bir jaıt 9-shy shaǵyn aýdanda oryn alǵan. Ol jerde mersedes markaly kóliktiń júk salǵyshynda nan úıilip tur. Al, qala bıligi bul máseleni tolyq zerttep, nan tasymaldaý talaptaryn buzǵandarǵa shara qoldanamyz dep sendirdi.
