Kóliktiń ýly gazyn kemitip kórsetken Audi-ǵa 800 mln eýro aıyppul salyndy
ASTANA. QazAqparat - Nemistiń Audi kompanııasynyń Volkswagen avtokontsernine óz mashınalarynyń kólik qozǵaltqyshynan shyǵatyn ýly gaz jaıly derekterdi ádeıi tómendetkendigi úshin 800 mln eýro aıyppul salyndy, dep habarlaıdy QazAqparat.
Deutsche Welle derekterine qaraǵanda, Mıýnhen prokýratýrasy tıisti tekserý qorytyndysy boıynsha osyndaı sheshim shyǵarǵan.
Audi kompanııasy óziniń jaýapkershiligin moıyndady. Bul týraly seısenbi, 16 qazanda taratylǵan kompanııa basshylyǵynyń málimdemesinde aıtylǵan.
Osy oqıǵanyń aldynda ǵana ýly gaz deńgeıine baılanysty kúdik keltirilgen Rıýsselshaım jáne Kaızerslaýtern qalalaryndaǵy nemistiń Opel avtokontserniniń keńselerine tintý júrgizilgen bolatyn.
Bul kontsern de zııandy qaldyqtardy kemitip kórsetetin baǵdarlamamen jabdyqtalǵan degen kúdikke ilinip otyr.
