Kóliktiń tóbesindegi jigit: Júrgizýshi men «jolaýshy» aıyppul tóleıtin boldy

NUR-SULTAN. QazAqparat – Áleýmettik jelide tóbesine adam otyrǵyzyp, júrip bara jatqan kóliktiń vıdeosy tarady, dep habarlaıdy QazAqparat.

22 mamyrda áleýmettik jelide «Toıota» markaly kóliktiń Nur-Sultandaǵy ortalyq saıabaq mańynda tóbesine adam otyrǵyzyp, júrip bara jatqany túsirilgen vıdeo paıda boldy. Elorda polıtseıleri kóliktiń rólinde 24 jastaǵy jigit bolǵanyn anyqtady. Ol osylaısha jolaýshy tasymaldaý erejesin buzǵan. Onyń ústine, onyń júrgizýshi kýáliginiń merzimi ótip ketken jáne saqtandyrý polısi joq bolyp shyqty. Avtokólik avtoturaqqa qoıyldy.

Avtomobıl júrgizýshisi QR Ákimshilik quqyq buzý kodeksiniń bes baby boıynsha jaýapkershilikke tartyldy. Ol jalpy somasy 125 010 teńge aıyppul tóleıdi.

Kóliktiń tóbesinde onyń 24 jastaǵy dosy bolǵan. Oǵan qatysty da kodekstiń eki baby boıynsha hattama toltyrylǵan. Salynǵan aıyppul kólemi - 9 723 teńge.