Kóliktiń syrtyn sýretpen árleýge qatysty tyıym bıyl alynyp tastalady
ASTANA. QazAqparat - Kóliktiń syrtyna aerografııamen árleýge qatysty tyıym bıyl alynyp tastalýy múmkin. Qazirgi ýaqytta jańa zań jobasy QR Parlamenti Májilisine joldanǵan.
Bul týraly búgin QR Іshki ister mınıstrligi Ákimshilik polıtsııa komıtetiniń tóraǵasy Igor Lepeha málim etti.
«Qazirgi ýaqytta Májiliste «Jolda júrý erejeleri týraly» jańa zań jobasy qaralýda jáne ol zańda osyndaı túzetýler engizilip otyr», - dedi ol.
Onyń sózi boıynsha, eger zań qabyldanyp jatsa, atalǵan ózgerister bıyldan bastap engizilýi yqtımal.
«Jalpy aerografııaǵa salynǵan tyıymnan bas tartatyndyǵymyz týraly Úkimettiń aldyn ala sheshimi bar. Endi ol zańdy túrde Parlamentte qabyldanýy tıis. Parlament Májilisiniń saılaýy ótkendikten bul jumys azdap toqtap qaldy», - dedi I.Lepeha.
