Kóliktiń qaýipsizdik qapshyǵyn óndirýshi Takata bankrotqa ushyrady
ASTANA. QazAqparat - Avtomobıldiń qaýipsizdik jastyqtaryn shyǵarýshy japondyq Takata kompanııasy Japonııa men AQSh-ta bankrotqa ushyraǵandyǵy jaıly ótinish berdi. Bul týraly kompanııanyń ótinishine silteme jasaǵan Nikkei basylymy habarlady.
Basylymnyń málimetinshe, bankrotqa ushyraý týraly sheshim kompanııanyń dırektorlar keńesiniń tańǵy otyrysynda qabyldanǵan. Ótinish Tokıonyń aýdandyq sotyna tapsyryldy.
Takata-nyń amerıkalyq enshiles kompanııasy TK Holdings te bankrotqa ushyraǵandyǵy jaıly AQSh bıligine jeke ótinish bildirgen. Takata buǵanǵa deıin amerıkalyq avtobólshekter shyǵarýshy Key Safety Systems-pen (KSS) qarjylaı qoldaý kórsetý jóninde kelisim jasaǵan. Takata aktsııalarynyń basym bóligi amerıkalyq kompanııanyń úlesine ótedi. Kelisimnen túsken aqshany japondyq óndirýshi búlingen qaýipsizdik jastyqtarynan zardap shegýshilerdiń ótemaqysyna jumsaıdy.
