Kóliktiń barlyq túrleriniń jolaýshylarynan shaǵym qabyldaıtyn Call-ortalyq iske qosylady
Olardy quzyrly organdar qysqa ýaqytta tekseretin bolady. Bul týraly QR Bas kólik prokýratýrasynan málim etti, dep habarlaıdy QazAqparat.
Onymen qosa, 2017 jyly «Qazaqstan temir joly» kompanııasy 260 jolaýshylar vagonyn jańalap, eldegi temir jol vokzaldaryna jóndeý jáne qaıta qalpyna keltirý jumystaryn júrgizbek.
Ótken jyldyń qorytyndysyn shyǵarǵan QR Bas kólik prokýratýrasy 5171 buzýshylyqtyń joıylǵanyn, 380 zańsyz akti buzylǵanyn, 2085 tulǵa túrli jaýapkershilikke tartylǵanyn jáne 30 sotaldy tergeý jumystary bastalǵanyn habarlady. 61 myńnan astam jumyskerdiń konstıtýtsııalyq quqyqtary qorǵaldy, 423 mln. teńge somasynda jalaqy boıynsha qaryz óteldi.
Ushýlar men temir jol kólikteriniń qaýipsizdigin arttyrý, jolaýshylar quqyqtaryn qorǵaý, kólik nysandarynyń lańkestikke qarsy qorǵanysyn arttyrý, sondaı-aq zańsyz mıgratsııany boldyrmaý maqsatynda qazirgi ýaqytta «Jolaýshylar quqyǵy», «Kólik jáne mıgranttar», «Kólik qorǵanysy», «Qaýipsiz ushýlar», «Qaýipsiz jol» uzaqmerzimdi jobalary iske asyrylýda.