Kóliktik vedomstvoda saladaǵy jemqorlyqqa qarsy is-sharalar talqylandy
ASTANA. 3 mamyr. QzaAqparat - Qazaqstan Respýblıkasy Kólik jáne kommýnıkatsııa mınıstri Berik Kamalıev «Nur Otan» Halyqtyq-demokratııalyq partııanyń jemqorlyqpen kúresý jónindegi Respýblıkalyq qoǵamdyq keńesi usynystary boıynsha
mınıstrliktiń, kóliktik baqylaý komıteti men avtomobıl joldary komıtetiniń aýmaqtyq qurylymdyq bólimsheleri basshylarynyń qatysýmen selektorlyq keńes ótkizdi, dep habarlady vedomstvonyń baspasóz qyzmeti.
Otyrys jumysyn bastaı otyryp, kóliktik vedomstvo basshysy jemqorlyqqa qarsy máseleler talqylanatynyn atap ótti. Bul másele ústimizdegi jylǵy 22 sáýirde «Nur Otan» Halyqtyq-demokratııalyq partııasynyń jemqorlyqpen kúresý jónindegi Respýblıkalyq qoǵamdyq keńesinde qaralǵan bolatyn. Kólik jáne kommýnıkatsııa mınıstrligi qyzmetin taldaý nátıjesinde jemqorlyqqa qarsy jumys, atap aıtqanda, kóliktik baqylaý komıteti men avtomobıl joldary komıtetiniń qurylymdyq bólimshelerinde jetkiliksiz júrgizilgen degen baǵa berilgen edi.
Kóliktik vedomstvo basshysynyń pikiri boıynsha, osyǵan baılanysty atalǵan zań buzýshylyqty joıý ǵana emes, budan bylaı ony boldyrmaıtyn saıasat júrgizý qajet.
17 sáýirde ótken Úkimettiń keńeıtilgen keńesinde Elbasy kólik jáne kommýnıkatsııa mınıstrligi aldynda Qazaqstan aýmaǵy arqyly júktiń eshbir kidirissiz jáne shyǵynsyz ótkizý júıesin qalyptastyrýdy tapsyrdy.
Atalǵan tapsyrmany oryndaý maqsatynda kóliktik baqylaý salasyndaǵy qalǵan turaqty beketterdiń qajettiligi men jyljymaly beket marshrýttaryn ońtaılandyrý jóninde sheshim qabyldandy. Aıtalyq, taıaý arada 7 turaqty beket ýaqytsha jabylady.
Sońǵy tirkelgen zań buzýshylyqtardyń saraptamasy boıynsha baqylaý mindetin atqarý barysynda «adamı faktordyń» yqpalyn boldyrmaý úshin, eki komıtettiń de qurylymyn qaıta qaraý josparlanyp otyr.
Avtomobıl joldary salasynyń problemalyq máseleleri qatarynda - aımaqtarǵa qarjy bólý máselesi tur. Dálirek aıtsaq, halyqtyyń ornalasý tyǵyzdyǵyn, tirkelgen avtokólik sanyn, joldyń jaı-kúıin, jóndeý jumystarynyń ońtaıly túrin eskere otyryp, jergilikti mańyzdaǵy avtomobıl joldary boıynsha josparlaý barysynda bıýdjetten qarjy bólý keshendi ádistemesiniń bolmaýy máselesi. Qurylys jumystaryn ýaqytyly júrgizýge bóget bolyp otyrǵan jer telimderin satyp alý máseleleri de tur.
Kóliktik baqylaýda ruqsat berý, onyń ishinde tapshy bolyp júrgen sheteldik ruqsatnamalardy taratý júıesi jetildirýdi qajet etedi.
Selektorlyq keńes barysynda Qaraǵandy, Almaty, Ońtústik Qazaqstan oblystaryndaǵy aýmaqaralyq ınspektsııalar basshylary men Ońtústik Qazaqstan, Shyǵys Qazaqstan jáne Mańǵystaý oblystaryndaǵy avtomobıl joldary komıteti departamentteriniń basshylary atalǵan buzýshylyqtardy joıý baǵytynda atqarylǵan is-sharalar jóninde esep berdi.
Selektorlyq keńesti aıaqtaı kele, mınıstr barlyq basshylarǵa ár zań buzýshylyqqa baılanysty derbes jaýapkershilikke tartylatyndyqtaryn, onyń nátıjeleri boıynsha kadrlyq jáne ákimshilik sharalar qoldanylatyndyǵyn eskertti.
Otyrys nátıjesi boıynsha kadrlyq jáne zań qyzmetterine, mınıstrliktiń tártiptik komıssııasyna bir aı ishinde qyzmettik tergeý júrgizip, tıisti zańdy baǵa berip, kináli adamdardy qyzmetinen bosatý jóninde usynys engizý tapsyryldy. Sonymen qatar, bir apta ishinde eskertýlerdi joıý jáne budan bylaı jemqorlyq faktilerin boldyrmaýǵa arnalǵan is-sharalar josparyn ázirleý tapsyryldy.
