Kóliktik polıtseıler dárimen atylatyn qarýdyń bes danasyn tárkiledi - «Quqyq tártibi» operatsııasy
ASTANA. 22 mamyr. QazAqparat - «Quqyq tártibi» jedel-aldyn alý operatsııasynyń úsh kúninde kóliktik polıtsııa qyzmetkerleri dárimen atylatyn qarýdyń bes danasyn, oq-dáriniń tórt danasyn tárkiledi, dep habarlaıdy kóliktegi ІІD-niń baspasóz qyzmetinen.
Buryn jasalǵan 12 qylmys, lańkestik aktisi týraly kórineý jalǵan habarlamanyń bir faktisi ashyldy, izdeýde júrgen úsh qylmysker ustaldy. Jalǵan qujattardy jasaý, daıyndaý jáne satý boıynsha Aýǵanstannyń alty azamaty ustaldy.
Budan basqa, esirtkilik zattardy saqtaýdyń 10 faktisi tirkelgen, sonyń ishinde 1 fakti - esirtkini satý, ekeýi - bopsalaý, taǵy ekeýi - jeńgetaılyq faktileri. 20 keliden astam túrli esirtkilik quraldar men zattar zańsyz aınalymnan shyǵaryldy: sonyń ishinde «geroın» - 3,89 gramm, «gashısh» - 730 gramm, «marıhýana» - 19 keli 676, 99 gramm boldy.
Sonymen qatar, oq-dáriniń tórt danasy tárkilendi, sýyq qarýdy zańsyz ustaýdyń úsh faktisi, sondaı-aq azamattardyń dárimen atylatyn qarýdy óz erkimen tapsyrýdyń úsh faktisi tirkeldi.
