Kóliktik nysandar lańkestik pen ekstremıstik áreketterden jiti qorǵalatyn bolady

ASTANA. QazAqparat - Búgin QR Úkimetiniń otyrysynda QR Investıtsııalar jáne damý mınıstri Jeńis Qasymbek kóliktik nysandardy lańkestik áreketterden qorǵaýǵa baǵyttalǵan sharalar keshenimen tanystyryp ótti.

Memleket basshysynyń tapsyrmasymen, kóliktik nysandardy lańkestik jáne ekstremıstik áreketterden qorǵaý boıynsha birqatar sharalar jasaldy. Birinshiden, áýejaılar, avto jáne temirjol vokzaldaryn tekserý qurylǵylarymen qamtamasyz etý talaptary ózektendirildi. Zamanǵa saı tekserý qurylǵylarymen qamtamasyz etý maqsatynda 20 áýejaı úshin, 12 - memlekettik jáne 8 jekemenshik áýejaıdyń tıisti qarajat anyqtaldy.

Aqtóbede berilgen tapsyrmaǵa sáıkes, atalǵan somany bólý jóninde QR Qarjy mınıstrligine xat joldandy. Jekemenshik áýejaılarǵa texnıkalyq qurylǵylar senimdi basqarýǵa nemese jalǵa beriletin bolady.

Onyń sózine qaraǵanda, QTJ-men birge el boıynsha 18 temirjol vokzalynda tekserý qurylǵylaryn ornatý qarastyrylýda.

«2017 jáne 2019 jyldarǵa osy maqsattarǵa 6 mlrd teńge bólinedi dep kútilýde», dep atap ótti mınıstr.