Kóliktik baqylaý: sybaılas jemqorlyqqa jol joq!
ASTANA. Qazannyń 29-y. QazAqparat. Qazannyń 29-da Qazaqstan Respýblıkasy Kólik jáne kommýnıkatsııa mınıstrliginiń Kóliktik baqylaý komıteti «Kóliktik baqylaý: sybaılas jemqorlyqqa jol joq!» taqyrybynda «dóńgelek ústel» ótkizdi,
dep habarlady KKM baspasóz qyzmeti.
«Dóńgelek ústel» Qazaqstan Respýblıkasynyń Prezıdenti N.Nazarbaevtyń «Jańa onjyldyq - jańa ekonomıkalyq órleý - Qazaqstannyń jańa múmkindikteri» atty Joldaýynyń negizgi basymdyqtaryn túsindirý jónindegi is-sharalar josparynyń sheńberinde uıymdastyryldy.
Atalmysh sharaǵa «Nur Otan» HDP, múddeli memlekettik organdar, vedomstvo, qoǵamdyq uıymdar men kólik keshenindegi qaýymdastyqtar ókilderi qatysty.
Olar baqylaý-qadaǵalaý qyzmetin júzege asyrý kezindegi, qazirgi zamanǵy aqparattyq tehnologııalar men júıeler boıynsha problemalyq máselelerdi, sonymen birge sybaılas jemqorlyqty boldyrmaý maqsatynda ózara is-qımyldyń birlesken sharalaryn ázirleý máselesin talqylady.
«Dóńgelek ústel» sheńberinde Kóliktegi jemqorlyqpen kúresý jónindegi keńestiń otyrysy ótkizildi.
Kóliktik baqylaý komıteti tóraǵasynyń orynbasary E. Jumashev Keńestiń, kóliktik baqylaý organdarynyń jumys qorytyndysy boıynsha jemqorlyqqa qatysty quqyq buzýshylyqty joıýǵa baǵyttalǵan birqatar is-sharalardyń atqarylyp jatqandyǵyn atap ótti. Aıtalyq, baqylaý protsedýrasyn avtomattandyrý, ruqsat qujattarynyń sanyn azaıtý jáne olardy berý tártibin jeńildetý, baǵalaý júıesin engizý bıznestegi operatsııalyq tosqaýyldardy qysqartýǵa múmkindik berdi. Sondaı-aq, baqylaýdyń formalaryn avtomattandyrý ınnovatsııa arqyly eńbek óndirisin joǵarylatýǵa jaǵdaı jasaıdy.
Óz kezeginde kóliktik baqylaý júıesin avtomattandyrý jáne modernızatsııalaý Qazaqstan Respýblıkasy Kólik jáne kommýnıkatsııa mınıstrliginiń Strategııalyq josparynda kórsetilgen kórsetkishterge qol jetkizýge jol ashady.
Búgingi kúni Komıtet ruqsat qujattaryn berý jáne tirkeý úrdisterin, táýekeldi basqarý júıesin avtomattandyrý arqyly qazirgi zamanǵy tehnologııalardy engizý jónindegi jumystardy jalǵastyrýda.
Sondaı-aq, avtokólik quraldaryn tehnıkalyq baıqaýdan ótkizýdi júzege asyrý protsesin avtomattandyrý arqyly adam baılanysyn joıý jolymen sybaılas jemqorlyqtyń deńgeıin azaıtýǵa múmkindik ashylady.
«Dóńgelek ústel» otyrysynyń qorytyndysy boıynsha qatysýshylar ózara is-qımyldyń tıimdi ádisterin usyndy, talqylaý nátıjesinde osy saladaǵy sybaılas jemqorlyqtyń alǵysharttaryn joıýǵa baǵyttalǵan syndarly usynymdar jasady.
Sybaılas jemqorlyqqa qarsy forýmy qarsańynda «Dóńgelek ústelge» qatysýshylar jemqorlyqqa qarsy kúres taqyrybyndaǵy plakattar kórmesimen tanysty.
