Kóliktik baqylaý salasyndaǵy ruqsat berý qujattaryn qysqartýdy 60 paıyzǵa deıin jetkizýdi kózdep otyrmyz - A. Jumaǵalıev
ASTANA. 16 mamyr. QazAqparat - Kólik jáne kommýnıkatsııa mınıstrligi kóliktik baqylaý salasyndaǵy ruqsat berý qujattarynyń úshten birin qysqartady.
Búgin QR Parlamenti Májilisiniń jalpy otyrysynda «Keden odaǵynyń syrtqy shekarasynda kóliktik (avtomobıldik) baqylaýdy júzege asyrý týraly kelisimdi ratıfıkatsııalaý týraly» zań jobasyn talqylaý barysynda Kólik jáne kommýnıkatsııa mınıstri Asqar Jumaǵalıev osylaı málim etti.
«Biz keshe ǵana Úkimette Elbasynyń tapsyrmasyn júzege asyrý máselelerin memlekettik organdarmen birlese talqyladyq. Ol boıynsha jalpy ruqsat berý qujattaryn 30 paıyzǵa deıin qysqartýdy kózdeıtin sheshim qabyldandy», - dedi mınıstr A. Jumaǵalıev.
Onyń aıtýynsha, aldaǵy jaqyn perspektıvada qoldanystaǵy 99 ruqsat berý qujatynyń sany 60-qa deıin qysqartylady. «Osyǵan oraı, kólik mınıstrligi júıesine kelsek, biz aǵymdaǵy jyldyń ózinde qysqaratyn qujattar sanyn 30 paıyzǵa deıin jetkizemiz. Al 2013 jyly olardyń taǵy da 9-y qysqaryp, jalpy kóliktik baqylaý salasyndaǵy ruqsat berý qujattaryn qysqartýdy 60 paıyzǵa deıin jetkizýdi kózdeımiz», - dedi mınıstr. Onyń aıtýynsha, ruqsat berý qujattary qysqarýymen qatar, olardy berý de avtomattandyrylǵan júıemen júzege asatyn bolady. «ıAǵnı, olardy berý ınternet, «elektrondyq úkimet» portaly nemese halyqqa qyzmet kórsetý ortalyqtary arqyly júzege asatyn bolady. Búgin osy baǵytta jumystar júrgizilýde», - dedi mınıstr.
