Kóliktik baqylaý salasynda jemqorlyq qylmysy artqan

ASTANA. QazAqparat - Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi «Atameken» Ulttyq kásipkerler palatasynyń Kásipkerler quqyǵyn qorǵaý jáne sybaılas jemqorlyqqa qarsy is-qımyl jónindegi keńesimen birlesip, kóliktik baqylaý salasynda sybaılas jemqorlyq táýekelderine taldaý qorytyndylary talqylady, dep habarlaıdy agenttiktiń baspasóz qyzmeti.

Shara vıdeobaılanys rejıminde Parlament depýtattarynyń, ınvestıtsııa jáne damý, ishki ister mınıstrlikteriniń, jergilikti atqarýshy organdar basshylyǵynyń, júk tasymaldaýshy kompanııalardyń, BAQ jáne qoǵam ókilderiniń qatysýymen uıymdastyryldy.

Іs-sharany asha otyryp, Agenttik tóraǵasynyń orynbasary A. Shpekbaev kóliktik baqylaý salasynda sybaılas jemqorlyq qylmystary ósý úrdisine mán berip jáne júrgizýshilerdiń para berýiniń basty sebebi retińde tez búlinetin júkterdi tasymaldaıtyn avtokóliktiń toqtap qalýynan keletin shyǵynnyń barlyq baǵyttar boıynsha júrý úshin para somasynan álde qaıda joǵary bolýyn keltirdi.

Osylaısha, 2016 jyly sybaılas jemqorlyq faktileri boıynsha 25, aǵymdaǵy jyldyń basynan 16 qylmystyq is qozǵaldy.

Memlekettik qyzmet kórsetý kezinde 1 111 buzýshylyqtar anyqtalyp, olardyń ishinde 76 % qarastyrylmaǵan qujattardy talap etýine keledi.

«Zańnamadaǵy olqylyqtardy jáne kóliktik ınfraqurylymdaǵy baqylaýdyń tıimsiz quraldary teris pıǵyldy ınspektorlarmen jeke materıaldyq paıdany alý úshin qoldanyldy» - dep habarlady Sybaılas jemqorlyqqa qarsy vedomstvo basshysynyń orynbasary.

Otyrys Qazaqstanda bıznesti damytýmen baılanysty 16 salada sybaılas jemqorlyq úshin jaǵdaılardy tómendetý jónindegi jol kartasynyń sheńberinde uıymdastyrylǵanyn atap ótken jón.