Kóliktik baqylaý komıteti jemqorlyqqa qarsy turý sharalaryn talqylady
ASTANA. 11 mamyr. QazAqparat /Marlan Jıembaı/ - Búgin QR Kólik jáne kommýnıkatsııa mınıstrliginiń Kóliktik baqylaý komıteti kóliktegi sybaılas jemqorlyqpen kúres jónindegi keńesiniń kezekten tys otyrysy ótti.
Alqaly jıyn barysynda qatysýshylar baqylaý-qadaǵalaý qyzmetin júzege asyrý kezindegi problemalyq máseleler, kóliktik baqylaý organdaryndaǵy sybaılas jemqoryqqa qarsy áreket, sonymen qatar sybaılas jemqorlyqtyń aldyn alý jónindegi birlesken sharalar qabyldaý máselesin talqyǵa saldy.
Otyrysta baıandama jasaǵan Kóliktik baqylaý komıtetiniń tóraǵasy Ádilet Bármenqulov jemqorlyqpen kúres maqsatynda birqatar naqty sharalardyń qabyldanyp jatqandyǵyn atap ótti. Onyń aıtýynsha, jemqorlyqpen kúreste negizgi strategııalyq úsh baǵyt, atap aıtqanda, kóliktik baqylaý organdarynyń qurylymyn reformalaý, kadrlyq saıasat jáne baqylaý protsedýrasyn avtomattandyrý aıqyndalǵan.
