Kóliktik baqylaý komıteti «Taza aýa» aktsııasyn ótkizedi
ASTANA. Sáýirdiń 30-y. QazAqparat - Qazaqstan Respýblıkasy Kólik jáne kommýnıkatsııa mınıstrligi sáýirdiń 30-y men mamyrdyń 30-y aralyǵynda «Taza aýa» aktsııasyn ótkizedi.
Kóliktik baqylaý organdarymen birge aktsııaǵa sanıtarlyq-epıdemıologııalyq qadaǵalaýdyń jáne jol polıtsııasynyń jergilikti organdary qatysady, dep habarlady vedomstvonyń baspasóz qyzmetinen.
Aktsııanyń maqsaty - avtokólik quraldarynyń tasymaldaýshylary men júrgizýshileriniń ruqsat etilgen avtokólik quraldarynyń shyǵaryndydaǵy lastaýshy zattar quramynyń ekologııalyq talaptary men normalaryn saqtaýy bóliginde Qazaqstan Respýblıkasynyń zańnamasyn buzýshylyqtyń aldyn alý.
Jyljymaly jáne statsıonarlyq kóliktik baqylaý qosyndarynda avtokólik quraldaryn ekologııalyq normalardy saqtaý boıynsha tekseris gazanalızatorlary men tútin ólshegishterdi paıdalaný arqyly júzege asyrylady.
Statıstıkaǵa sáıkes 2009 jyly ótkizilgen osyndaı aktsııanyń barysynda árbir 6-shy avtokólik quraly ekologııalyq talaptardy buzý arqyly jol júrgen. Osylaısha ótken jyly 10082 birlik kólik quraly tekserildi, avtokólik quralynyń shyǵaryndydaǵy lastaýshy zattardyń ruqsat etilgen normalarynyń 1623 buzýshylyǵy anyqtaldy.
Kóliktik baqylaý komıteti kólik salasyndaǵy Qazaqstan Respýblıkasynyń qoldanystaǵy zańnamasynyń talaptaryna baılanysty óreskel buzýshylyqtar anyqtalǵan jaǵdaıda zańdy jáne jeke tulǵalarǵa belgilengen tártipte Ákimshilik quqyq buzýshylyqqa sáıkes tıisti ákimshilik sharalar qoldanylatyn bolady.
