Kóliktik baqylaý komıteti «Taza aýa» aktsııasyn qorytyndylady
ASTANA. Maýsymnyń 7-si. QazAqparat - QR Kólik jáne kommýnıkatsııa mınıstrliginiń Kóliktik baqylaý komıteti 2010 jylǵy sáýirdiń 30-y men mamyrdyń 30-y aralyǵynda ótkizilgen «Taza aýa» aktsııasyn qorytyndylady.
Bul týraly atalǵan mınıstrliktiń baspasóz qyzmetinen habarlady.
«Aktsııanyń maqsaty avtokólik quraldary (AKQ) tasymaldaýshylary men júrgizýshileriniń ruqsat etilgen ekologııalyq talaptardy jáne avtokólik quraldarynyń shyǵaryndylaryndaǵy zııandy zattardyń normalaryn saqtaýy jóninde Qazaqstan Respýblıkasynyń zańnamasyn buzýshylyqtyń aldyn alý bolyp tabylady», delingen baspasóz habarlamasynda.
Kóliktik baqylaý beketterinde AKQ-nyń ekologııalyq normalardy saqtaýyn tekserý gaz taldaýyshtardy jáne tútin ólsheýishterdi qoldaný arqyly júzege asyrylǵan.
Aktsııa barysynda barlyǵy 13403 avtokólik quraly (avtobýstar, júk jáne jeńil avtokólik quraldary) tekserildi. Tekserý qorytyndysy boıynsha zııandy zattar quramynyń ekologııalyq normalaryn buzýshylyqpen paıdalanylǵan 2239 avtokólik quraly anyqtaldy. Avtokeólik ıelerine 7 mln. teńge somasyna ákimshilik aıyppul salyndy.
