Kóliktik baqylaý ınspektsııasynyń bólim basshysy arnaıy ruqsat bergeni úshin para alǵan

NUR-SULTAN. QazAqparat - Jambyl oblystyq kóliktik baqylaý ınspektsııasy bólim basshysynyń júıeli túrde para alý faktileri anyqtaldy. Bul jaıynda QR Sybaılas jemqorlyqqa qarsy is-qımyl agenttiginen málim etti, dep habarlaıdy QazAqparat tilshisi.

«QR Sybaılas jemqorlyqqa qarsy is-qımyl agenttiginiń Jambyl oblysy boıynsha departamenti Jambyl oblystyq kóliktik baqylaý ınspektsııasy bólim basshysynyń júıeli túrde para alý faktilerin anyqtady. Ol Qazaqstan Respýblıkasynyń aýmaǵy boıynsha aýyr salmaqty jáne iri kólemdi kólik quraldarynyń júrip ótýine arnaıy ruqsat bergeni úshin jeke kompanııalardyń ókilderinen para aldy degen kúdikke ilindi», - delingen taratylǵan aqparatta.

Vedomstvonyń atap ótýinshe, kinásin tolyq moıyndaýyna baılanysty kúdiktige qatysty protsessýaldyq ustaý qoldanylǵan joq. Tergeý jalǵasýda. Kinálilik dárejesin anyqtaý arqyly kúdiktige qatysty sońǵy úkimdi sot shyǵarady.