Kólikti mas kúıinde júrgizgen senator qamaýǵa alyndy
ASTANA. 24 jeltoqsan. QazAqparat - Vırdjınııa shtatyndaǵy Aleksandrııa qalasynda jeksenbi kúni keshke polıtsııa Aıdaho shtatynyń senator-respýblıkashysy Maıkl Krapony qamaýǵa aldy.
Ony kólikti mas kúıinde júrgizgeni úshin aıyptaýda.
«Ol baǵdarshamnyń qyzyl túsine qaramastan óte shyqqan, ony polıtseıler toqtatty. Ótkizilgen test onyń qanynda alkogoldiń bar ekenin anyqtady», - dep habarlady shtattyń polıtsııasy.
Qazirgi ýaqytta 61 jastaǵy Krapo kepilge 1 myń dollar tólep, bosatyldy. Al onyń isi boıynsha sot 2013 jyldyń 4 qańtaryna belgilendi.
Amerıkandyq zańdarǵa sáıkes, mas kúıinde alǵash ret toqtatylǵan júrgizýshige 300 dollar kóleminde aıyppul salynady. Sondaı-aq, jarty jylǵa júrgizýshi kýáliginen aırylady.
