Kólikti mas kúıinde basqarǵan múgedekter de júrgizýshi kýáliginen aıyrylady
ASTANA. QazAqparat - Kólikti mas kúıinde basqarǵan múgedekter de júrgizýshi kýáliginen aıyrylady. Bul týraly búgin QR Parlamenti Májilisinde «Jol qozǵalysy týraly» QR Zańyna ózgerister engizý týraly» zań jobasyn talqylaý barysynda depýtat Qanat Mýsın málim etti, dep habarlaıdy QazAqparat.
«Endigi ýaqytta mas kúıde ekendigin kýálandyrýdan bas tartqan jaǵdaıda úsh jylǵa jrgizýshi kýáliginen aıyrý jazasy qarastyrylatyn bolady. Qazirgi ýaqytta mas kúıde kólik basqarǵany úshin normada 2 jyldyq jaza belgilengen. Jumys toby uzaq ýaqyt talqylaýdan keıin osy eki taptyń sanktsııalaryn teńestirý qajet dep sheshti. ıAǵnı, mas kúıde ekendigin kýálandyrýdan bas tartý men mas kúıde bolý teńestiriledi», - dep túsindirdi depýtat.
Sonymen qatar májilismen múgedek azamattarǵa qatysty da jaýapkershiliktiń qatańdatylatyndyǵyn basa aıtty.
«Endigi ýaqytta mas kúıde kólik quralyn basqarǵany úshin múgedekter de júrgizýshi kýáliginen aıyrylady. Qazirgi ýaqytta olarǵa mundaı jaza qoldanylmaıdy», - dedi Qanat Mýsın.
Aıta keteıik, buǵan deıin Qazaqstanda júrgizýshi kýáliginiń merzimi ótken jaǵdaıda qaıta emtıhan tapsyrý joıylatyndyǵyn habarlaǵan bolatynbyz.
Sondaı-aq elimizde kóliktiń ádemi memlekettik nómirler tizimi keńeıtilmek. Nómirge sandyq jáne áriptestik jańa tirkester qosylady.
