Kólikti mamandandyrylǵan HQO-larda saqtandyrýǵa bolady
Maýsym aıynda Nur-Sultan, Almaty jáne Shymkent qalalarynda «Azamattarǵa arnalǵan úkimet» memlekettik korporatsııasyndakólik ıelerin saqtandyrý qyzmetterin kórsetý boıynsha pılottyq joba iske qosyldy. Kólikti qaıta tirkeýdi resimdeı otyryp, klıent sol jerde saqtandyrý polısin satyp ala alady. Endi basqa qyzmet kórsetý terezelerine kezekke turýdyń nemese «deldaldardan» saqtandyrý polısin resimdeýdiń qajeti joq.
Jańa qyzmet týraly Ortalyq kommýnıkatsııalar qyzmetiniń brıfınginde «Azamattarǵa arnalǵan úkimet» korporatsııasy basqarma tóraǵasynyń birinshi orynbasary Súıenish Ábdildın baıandap berdi.
«Mamandandyrylǵan HQO operatorlarymen kólik ıelerin saqtandyrý qyzmeti ádette mamandandyrylǵan HQO-lardaklıentterge óz múddesi úshin qyzmetterin usynatyn «kómekshilerge» klıentterdiń shaǵymdarymen baılanysty mindetterdi sheshýge kómektesedi. Eger pılottyq joba sátti iske asyrylatyn bolsa, biz elimizdiń basqa mamandandyrylǵan HQO-larynda da saqtandyrý qyzmetin engizemiz», – dedi Memlekettik korporatsııa tóraǵasynyń birinshi orynbasary Súıenish Ábdildın.
Klıentterge kólikti qaıta tirkegennen keıin aqparattyq júıeleri bir-birimen yqpaldastyrylǵan saqtandyrý uıymyn tańdaý usynylady. Qazir «Evrazııa» saqtandyrý kompanııasymen kelisim júzege asyrylǵan. Pılottyq joba iske qosylǵan sátten bastap 300-den astam azamattyq-quqyqtyq jaýapkershilik sharty jasaldy.
