Kólikti keri aıdap, ǵalamtorda tanymal bolǵan aqtaýlyq jaýapqa tartyldy
AQTAÝ. QazAqparat - Kólikti keri aıdap, ǵalamtorda tanymal bolǵan aqtaýlyq júrgizýshi jaýapqa tartyldy, dep habarlaıdy Qazaqparat tilshisi.
Beınerolıkti jiti teksergen polıtsııa qyzmetkerleri kóp uzamaı júrgizýshiniń jeke basyn anyqtap, ákimshilik jaýapqa tartty.
Іzdeý sharalary nátıjesinde júrgizýshi memlekettik nómiri R 444 AEM «Toıota Kamrı» kóliginiń ıesi bolyp shyqty. Ol kólikti keri baǵytqa aıdap, túrli tústi sıgnal qosyp, kósheni shýlatqan. Onyń bul áreketin bireýler beınataspaǵa túsirip, jelige jarııalaǵan.
«Osy fakti boıynsha júrgizýshi QR ákimshilik quqyqbuzýshylyq týraly kodekstiń 590 baby 4 bólimi jáne 603 baby 1,2 bólimi boıynsha jaýapqa tartylady. Endi is sotqa joldanady»,- deıdi MO ІІD baspasóz qyzmeti.
Polıtseıleri oblys ortalyǵynda kólikti artymen aıdaǵan júrgizýshini ustady. Olar júrgizýshini ákimshilik jaýapqa tartyp, hattama toltyrǵan.
Sondaı-aq, bolashaqta osyndaı jaǵdaılardyń aldyn-alý úshin polıtseıler júrgizýshimen túsinik jumystaryn júrgizgen.
