Kólikti kepilge qoıý nemese ony alyp tastaý onlaın rejımde qoljetimdi

NUR-SULTAN. QazAqparat – Qazaqstandyqtarǵa kólikti kepilge qoıý nemese ony alyp tastaý onlaın rejımde qoljetimdi. Bul týraly QR Іshki ister mınıstrliginiń ókili Shuǵyla Turlybek málim etti, dep habarlaıdy QazAqparat tilshisi.

«Kaspi bank Іshki ister jáne Tsıfrlyq damý, ınnovatsııalar jáne aeroǵarysh ónerkásibi mınıstrlikteriniń qoldaýymen jańa servısti iske qosty. Kólikke kepil qoıý nemese alyp tastaý endi onlaın rejımde qoljetimdi. Buryn kepil boıynsha qujattardy resimdeý úshin bankke, mamandandyrylǵan Halyqqa qyzmet kórsetý ortalyǵyna, polıtsııaǵa barý kerek bolatyn. Bul birneshe saǵattan birneshe kúnge deıin sozylady», - dedi Shuǵyla Turlybek mınıstrliktiń baspasóz alańynda ótken brıfıng barysynda.

Sonymen qatar ol Іshki ister mınıstrligi qarjy mekemelerimen birlesip, ekinshi deńgeıdegi bankterdiń qosymshalary arqyly azamattar men avtokólikterdi tirkeý salasynda qyzmet kórsetýdi jeńildetetin birneshe jobany iske qosqanyn aıtty.