Kólikti baqylaý salasynda tasymaldaýshyny elektrondyq tekserý iske qosylady

NUR-SULTAN. QazAqparat - Kólik komıteti 15 sáýirden bastap kólikti baqylaý beketterinde qaǵazben berilgen ruqsattardy tekserýdi alyp tastaıdy. Onyń ornyna tekserý Kólik komıtetiniń derekqor aqparattyq-taldaý júıesiniń kómegimen júzege asyrylady, dep habarlaıdy QazAqparat QR IIDM baspasóz qyzmetine silteme jasap.

Tasymaldaýshydan qaǵazdaǵy ruqsat berý qujatynyń bolýy talap etilmeıdi. Osy ruqsatty berýge maquldanǵan ótinim jáne qoldanystaǵy zańnamaǵa sáıkes elektrondyq úkimet portalyndaǵy jeke kabınette ruqsat berý úshin memlekettik organ qabyldaǵan memlekettik baj (qajet bolǵan jaǵdaıda) bolsa jetkilikti.
Mundaı ruqsattardyń tizimine engen qujattar - iri kólemdi jáne aýyr salmaqty avtokólik quraldarynyń júrip ótýine arnaıy ruqsat; 1, 6 jáne 7-synyptaǵy qaýipti júkterdi tasymaldaýǵa arnaıy ruqsat; avtokólik quralyna ruqsat kartalary; halyqaralyq júk tasymaldaýǵa ruqsat berý kýáligi.