Kólikterin múgedekterdiń turaǵyna qoıatyndarǵa reıd júrýde
ALMATY. QazAqparat - Almatyda múgedekterge arnalǵan turaqqa kóligin qoıǵan 347 júrgizýshige aıyppul salyndy, dep habarlaıdy QazAqparat tilshisi.
Almaty qalalyq ІІD baspasóz qyzmetiniń habarlaýynsha, qazir qalada múmkindigi shekteýli azamattardyń quqyǵyn qorǵaýǵa baǵyttalǵan «Birdeı múmkindikter joly» profılaktıkalyq sharasy ótip jatyr.
«Búginde múgedekterge arnalǵan turaq ornyna kóligin qoıǵan 347 júrgizýshige qatysty QR ÁqK 597-babyna sáıkes ákimshilik hattama toltyryldy. Olarǵa 34 mln 387 myń 700 teńge aıyppul salyndy. Múmkindigi shekteýli azamattardyń sheshilmegen máseleleri óte kóp. Oǵan qoǵam, úkimettik emes uıymdar, qoǵamdyq uıymdar basa nazar aýdarýy tıis. Onyń ishinde adamdardyń erkin júrip-turýyna, bilim alýyna, emdelýine, qoǵamǵa beıimdelýine jaǵdaı týǵyzý óte mańyzdy», - dedi Almaty jergilikti polıtsııa qyzmetiniń basshysy podpolkovnık Jasulan Baıkenov.
