Kólikteri synyp jolda qalǵan 4 balyqshy qutqaryldy – ShQO

ÓSKEMEN. QazAqparat – Shyǵys Qazaqstan oblysynda qutqarýshylar jolda qalǵan 4 balyqshyǵa kómekke keldi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 3 balyqshy kólikteri synyp, Zaısan kóliniń jaǵalaýynan keri qaıta almaı qalǵan. Oqıǵa ornyna №52 órt sóndirý bólimshesiniń qutqarýshylary kelip jetti.

«Aýdı» kóliginde otyrǵan balyqshylarǵa kómekke kelgen olar jolda «VAZ» kóliginde bolǵan taǵy bir adamdy tapty. Qutqarýshylar jol talǵamaıtyn tehnıkamen barlyq tórt er adamdy jaqyn mańdaǵy eldi mekenniń qonaq úıine jetkizdi. Balyqshylarǵa medıtsınalyq kómek qajet bolmady», - dep habarlady vedomstvo ókilderi.

Osy rette, oblystyq TJD mamandary turǵyndarǵa daýyldy eskertý jarııalanǵanda alys jolǵa shyqpaý qajettigin eskertti.