Kólikterdi endi elimizdiń kez kelgen aımaǵynda tirkeýge bolady
ASTANA. QazAqparat - ІІM Ákimshilik polıtsııa komıtetiniń ókilderi kólikterdi tirkeý sharasyn aıtarlyqtaı ońtaılandyrdy. Bıylǵy jyldyń 26-qyrkúıeginen bastap, el aýmaǵynda kólik quraldaryn tirkeýge eksmekenjaıly prıntsıpi engizildi, dep habarlandy ІІM Ákimshilik polıtsııa komıtetinen.
«Endi kez kelgen turǵyndarǵa arnaıy qyzmet kórsetý ortalyqtarynda nemese Ákimshilik polıtsııa komıtetiniń barlyq tirkeý beketterinde kez kelgen aımaqtyń kóligin onyń ıesiniń qaıda tirkelgendigine qaramastan esepke alýǵa bolady»,-dedi ІІM ÁPK-niń tóraǵasy Igor Lepeha.
Onyń sózinshe, kólikti tirkeýdiń mundaı tásili Qazaqstanda tirkelgen jeke jáne zańdy tulǵalar úshin qoljetimdi. Endi kólik satyp alǵan soń ony tirkeý úshin turaqty turatyn jerge barýdyń qajeti joq.
Aıta ketetin másele - ІІM turǵyndarǵa yńǵaıly jaǵdaılar jasaý úshin keshendi sharalardy qolǵa alyp otyr. Osyǵan deıin avtokólikti esepke qoıý sharasy jeńildetilgen bolatyn. ıAǵnı osy sharaǵa qajetti qujattardan zańdy tulǵanyń jarǵysy alynyp tastaldy. Kólikti tirkeý týraly kýáliktiń kóshirmesin berý kezinde kólik tekserilmeıtin boldy.
Sonymen qatar, júrgizýshi kýáligin berýdiń eksóńirlik prıntsıpi engizildi. Endi, elimizdiń árbir azamaty onyń tirkelgen jerine qaramastan kez kelgen aımaqtyń turǵyndarǵa arnaıy qyzmet kórsetý ortalyǵynan ala alady. Buǵan qosa A1,V, V1. kategorııalary boıynsha júrgizýshi kýáligin alý úshin avtomektepterde oqý mindetti emes.
