Kóliktegi polıtsııanyń 200 qyzmetkeri marapattaldy
ASTANA. QazAqparat - QR ІІM Kóliktegi ishki ister departamenti búgin Qazaqstan polıtsııasy kúnin atap ótti, dep habarlaıdy QazAqparat tilshisi atalmysh vedomstvonyń baspasóz qyzmetine silteme jasap.
Mereke qurmetine oraı sharaǵa kóliktegi polıtsııanyń jeke quramy sherýlik áskerı kıimmen keldi. Saltanatty sharanyń meımandary retinde ishki ister organdarynyń ardagerleri men qyzmet babynda qaza tapqan tártip saqshylarynyń týystary keldi.
«Máńgilik umytylmas esimder» dańq eskertkishine gúl qoıý saltanatyn Kóliktegi ІІD bastyǵy Amanjol Qabylov júrgizdi. Alańǵa jınalǵan kólik salasyndaǵy quqyq qorǵaýshylar Otan aldyndaǵy mindetin atqarý jolynda qaza tapqan qatarlastaryn bir mınýt únsizdikpen eske aldy.
«Ótken jyldardyń qıyndyǵyna qaramastan, biz ishki ister organdarynyń qýatty júıesiniń turaqty irgetasyn qalaı bildik. Qansha ýaqyt ótse de bizdiń mindet burynǵysha qalady - ol qoǵamdyq quqyqtyń qorǵalýy, azamattardyń múddeleri men ómirlerin qorǵaý. Dese de bizdiń maqsat shyńyna shyǵýymyz áste ońaıǵa túspeı jatady», - deıdi Amanjol Qabylov.
Onyń aıtýynsha, qyzmettik paryzyn atqarý kezinde kóliktegi polıtsııa qyzmetkerleriniń 11-i ajal qushqan.
«Biz búgin beıbit ýaqytta qazaqstandyqtardyń qaýipsizdigi men tynyshtyǵy úshin janyn bergen azamattardy qurmetpen eske alamyz», - dedi polıtsııa polkovnıgi.
Amanjol Qabylov sonymen qatar, ІІB ardagerlerine jas qyzmetkerlerdi tárbıelegeni jáne ishki ister organdarynyń izgi dástúrin jalǵastyrǵany úshin alǵysyn bildirdi.
Saltanatty shara barysynda óziniń eńbekqorlyǵymen jáne qyzmetine adaldyǵymen maqtaýǵa laıyq qyzmetkerlerdiń esimderi ataldy. Olardyń qatarynda jedel qyzmetkerler men tergeýshiler, qylmystyq polıtsııa qyzmetkerleri men anyqtaýshylar, taǵy basqa tártip saqshylary bar.
Shara kezinde kópshilik aldynda ІІB ardagerleri de sóz sóıledi.
«Bul ómirdiń ózindeı uzaq qyzmet. Sizderdiń eńbekterińiz árdaıym azamattardyń qurmetimen atalyp ótedi. Antqa berik bola otyryp, qylmysqa qarsy kúreste jiger men erlikti tanytyp, sizder ózderińizdiń qyzmetterińizdi adaldyqpen atqaratyndaryńyzǵa senemin», - dedi QR ІІM qurmetti ardageri Jumabek Jaqsylyqov.
Saltanatty shara barysynda Kóliktegi ІІB-niń 59 ardagerine laıyqty marapat tapsyryldy. Sonymen birge, mereıtoılyq medalmen jáne alǵys hattarmen Departament jeke quramynyń 200 qyzmetkeri marapattaldy.
