Kóliktegi polıtsııa qyzmetkerleri eki kún ishinde 700 keliden astam esirtki zatyn tárkiledi
ASTANA. 13 shilde. QazAqparat - QR ІІM kóliktegi ishki ister departamentiniń qyzmetkerleri «Kendir-2011» jedel-izdestirý sharasyn ótkizý barysynda Lýgovaıa stansysynyń «Tátti-Qoraǵaty» aralyǵynda Astana qalasynyń 58 jastaǵy turǵynyn qolǵa túsirdi.
Er adamnan 501 keli 700 gramm «marıhýana» tárkilengen. Esirtki satýshy 11 shilde kúni ustaldy. Osy fakt boıynsha qylmystyq is qozǵaldy. Qazir azamat Lýgovaıa stansysynyń ýaqytsha qamaý orynyna jabyldy, dep habarlaıdy QR ІІM kóliktegi ishki ister departamentiniń baspasóz qyzmeti.
Esterińizge sala keteıik, bir kún buryn Lýgovaıa stansysynda kóliktegi polıtsııa qyzmetkerleri Almaty oblysynyń 37 jastaǵy turǵynyn qolǵa túsirgen bolatyn. Odan 204 keli 300 gramm esirtki zaty tabylǵan. Azamat ýaqytsha qamaý orynyna jabylyp, onyń ústinen qylmystyq is qozǵaldy.
