Kóliktegi polıtsııa Astana qalasynyń turǵynynan asa iri kólemde geroın tárkiledi

Kóliktegi ІІD-niń baspasóz qyzmetinen habarlaǵandaı, 22 tamyz kúni, keshqurym shuǵyl-izdestirý sharalaryn júrgizý barysynda Konstıtýtsııa kóshesiniń boıynda 37 jastaǵy azamat toqtatyldy. Polıtseılerge tintýdi jiti júrgizýdiń qajeti bolmady, sebebi ruqsat etilmegen zattyń jasyrynǵan jerin «Mono» esimdi ıt anyqtap berdi. Ittiń kómegimen polıtsııa qyzmetkerleri azamattan tsellofan býmaǵa oralǵan 3,31 gramm geroın zatyn tapty. Zattyń qandaı maqsatta paıdalanylmaq bolǵany jáne onyń qaıdan alynǵandyǵy QR Qylmystyq Kodekstiń 259 baby boıynsha (esirtkini satý maqsatynda saqtaý) qozǵalǵan qylmystyq isti tergeý barysynda anyqtalatyn bolady.