Kóliktegi Ortalyq ІІD-i «Іzdestirý» operatsııasyn ótkizdi
ASTANA. Qyrkúıektiń 25-i. QazAqparat - Qazirgi tańda quqyq qorǵaý organdar qyzmetkerleri ár túrli qylmystardyń aldyn-alý úshin, barlyq is-sharalardy belsendi qoldanýǵa tyrysyp jatady. Biraq, ókinishke oraı, quqyq buzýshylyqtar bolyp jatady. Qylmysker zańdy jazasyn óteýi úshin aıanbaı qyzmet etý kerek.
Osy baǵytta ishki ister organdary óz ýaqytynda aldyn-alý jáne izdestirý is-sharalaryn ótkizip otyrady. Osylaısha, aǵymdaǵy jyldyń qyrkúıek aıynyń 13-18-i aralyǵynda Kóliktegi Ortalyq ІІD-niń terrıtorııasynda izdestirýdiń, qylmyskerlerdi ustaýdyń jáne olardyń ótken jyldan qalǵan sanyn tómendetý baǵytynda «Іzdestirý» operatsııasyn ótkizdi, dep habarlaıdy atalmysh vedomstvonyń baspasóz qyzmeti
Іzdestirý is-sharalaryn ótkizý barysynda, kólik polıtsııasy qyzmetkerlerimen qylmyskerlerdiń tyǵylyp júrýi múmkin bolatyn mekenjaılar tekserildi. Osy tekserister óziniń qorytyndysyn berdi.
Kóliktegi Ortalyq ІІD-niń qyzmetkerleri ádildikten qashyp, tyǵylyp júrgen 11 qylmyskerdi qolǵa túsirdi. Olardyń úsheýi halyqaralyq izdeýde bolǵan, bireýi - Ýkraına respýblıkasymen, taǵy ekeýi - Reseı Federatsııasymen izdeýde bolǵan. Úsh belgisiz tulǵanyń máıiti tabyldy, jáne eki iz-túzsiz joǵalǵandar belgili boldy.
Jedel jaǵdaıdyń qalyptasýy úshin, tártipti saqtap qalý maqsatynda osyndaı sharalar ótkizilip otyrady. Jasalǵan qylmystar jaýapsyz qalmaıdy!
