Kóliktegi Ońtústik-Shyǵys Іshki ister departamentinde polıtsııa qyzmetkerleri arasynda sporttyq oıyndardan spartakıada bolyp ótti
ALMATY. Shildeniń 8-i. QazAqparat /Marlan Jıenbaı/ - Kóliktegi Ońtústik-Shyǵys Іshki ister departamentiniń uıymdastyrýymen polıtsııa qyzmetkerleri arasynda sporttyq oıyndardan spartakıada bolyp ótti, dep habarlaıdy atalmysh mekemeniń baspasóz qyzmeti.
Spartakıadany uıymdastyrýǵa uıytqy bolyp, jetekshilik jasaǵan departament bastyǵynyń orynbasary, polıtsııa polkovnıgi Ǵ.Ábdiraıymov.
Spartakıadaǵa Kóliktegi Ońtústik-Shyǵys ІІD-niń barlyq jeke quramy men bólinisteri qatysty. Top-topqa bólinip komanda qurǵan saqshylar kúshine teń keler tek óz áriptesteri ǵana ekendigin taǵy da bir ret dáleldegendeı.
Arqan tartys pen aýyr kir tastaryn kóterýde JІІB qyzmetkerleri departamenttegi áriptesterine eselerin jiberip aldy.
Sporttyń voleıbol oıynynda departament bastyǵynyń orynbasarlary Ǵ.Ábdiraıymov, M.Sádibekov jáne B.Nurmuhanbetov syndy polıtsııa polkovnıkteri úzdik oıyn órnegin kórsetip, jarystyń qyzyqty ótýine úles qosa otyryp, áriptesteriniń osyndaı sharalarǵa túgel qatysýyna muryndyq boldy.
«Jigitke jeti óner de az» degendeı, bulshyq etterin oınatyp, dúleı kúshke erik berip kúsh synasqan erler komandasyna názik jandy áriptesteri rızashylyǵyn tanytty.
