Kóliktegi ishki ister departamentiniń qyzmetkerleri Joldaýdyń mańyzdy mindetterimen tanysty
ASTANA. 16 aqpan. QazAqparat /Aınur Kenebaeva/ - QR ІІM qarasty Kóliktegi ishki ister departamentiniń qyzmetkerleri búgin Elbasy Joldaýynda belgilengen negizgi mindetterdi talqyǵa saldy.
Departament qabyrǵasynda ótken jıynǵa QR Qarjy mınıstrliginiń jaýapty hatshysy Natalıa Korjova, Mádenıet mınıstrliginiń jaýapty hatshysy Aıda Qurmanǵalıeva jáne Kóliktegi ishki ister departamentiniń basshysy Qanat Túksaıtov qatysty.
Joldaýdy talqyǵa salý barysynda N. Korjova densaýlyq saqtaý, bilim berý, áleýmettik saladaǵy basty mindetterdi tilge tıek etti. Sonymen qatar ınnovatsııalyq ındýstrııalandyrý baǵdarlamasy men jumyspen qamtýdyń jańa strategııasyna erekshe toqtaldy.
«Jumyspen qamtýdyń jańa strategııasy respýblıkamyzdyń shalǵaı jatqan aýyldyq aımaqtarynyń damýyna jańa dem berip, halyqty jumys oryndarymen qamtamasyz etýge septigin tıgizbek, aýyl sharýashylyǵyn damytýǵa, kásipkerlikti ilgeriletýge qolaıly jaǵdaılar jasalmaq. Mamandardy qaıta daıarlaý, jaldamaly turǵyn úı máselesin jolǵa qoıý arqyly azamattarǵa qoldaý kórsetý qarastyrylǵan. Bul baǵdarlama - keńestik keńistik memleketterinde balamasy joq, biregeı baǵdarlama», - dedi óz sózinde N.Korjova.
