Kóliktegi ІІD jolaýshylardyń qaýipsizdigin qamtamasyz etedi
ASTANA. QazAqparat - Bıyl Qazaqstan Respýblıkasy Іshki ister organdarynyń qurylǵanyna 25 jyl tolyp otyr. Kólik polıtsııasy quqyqtyq tártip pen qaýipsizdikti qamtamasyz etýge, ásirese áýe jáne temirjol kólikteri nysandaryna orasan zor úles qosyp keledi, dep habarlaıdy QR ІІM Kóliktegi ІІD baspasóz qyzmeti.
Elimiz aýmaǵynda departamenttiń 25 jelilik bólimi jumys istep tur. Olardyń basty mindeti - avıa jáne temirjol kólikterindegi qozǵalysty, jolaýshylardy, olardyń múlikterin, sondaı-aq jyljymaly quramda júkterdi qaýipsiz tasymaldaýdy qamtamasyz etý. QR ІІM Kóliktegi ІІD 303 temirjol vokzalynda ornalasqan 16 myń shaqyrym temir jolda, sondaı-aq 18 áýejaıda, sonyń ishinde 16 halyqaralyq mańyzy bar áýejaıda qyzmet kórsetedi.
Kólik polıtsııasynyń qyzmetkerleri jumystyń ereksheligin esepke ala otyryp, túrli oqıǵalarǵa jedel jaýap qaıtarýǵa daıyn. Ardagerler jas mamandarmen únemi óz bilimderi jáne tájirıbelerimen bólisip keledi.
