Kóliktegi ІІD jas qyzmetkerlerine Tuńǵysh Prezıdent týraly derekti fılm kórsetildi
ASTANA. QazAqparat - QR ІІM Kóliktegi ІІD jas qyzmetkerleri Qazaqstan Respýblıkasynyń Tuńǵysh Prezıdenti merekesi qarsańynda ant qabyldady, dep habarlaıdy atalǵan vedomstvo baspasóz qyzmeti.
Merekelik is-shara beıbit ýaqytta qyzmettik boryshyn óteý barysynda qaıtys bolǵan qyzmetkerlerdiń qurmetine qoıylǵan «Máńgilik umytylmas esimder» eskertkishiniń janynda ótti.
«Ant qabyldaý - halyqqa, týǵan jerge jáne Zańǵa degen adaldyqqa berilgen kıeli ýáde. Polıtsııa qyzmetkerleriniń jumysy qıyn, ári shydamdylyqty, adaldyqty, ádildikti jáne adamdarǵa degen syılastyqty, sondaı-aq kúnnen-kúnge qyzmette jańashyldyqty talap etedi», - dep atap ótti QR ІІM KІІD bastyǵy, polıtsııa polkovnıgi Amanjol Qabylov. Sonymen qatar ol árbir polıtsııa qyzmetkeri óz isiniń sheberi bolýy úshin bar kúshin salýy jáne zańdy buzǵan árbir adamnyń sózsiz jazaǵa tartylý qaǵıdatyn qamtamasyz etýi kerek ekenin aıtyp ótti.
Merekelik quttyqtaý sózderi ishki ister organdarynyń ardagerlerine jáne ant qabyldaǵan qyzmetkerlerdiń ata-analaryna da berildi.
Sodan keıin, merekelik jınalysta Departament bastyǵy jumysta erekshe kózge túsken qyzmetker men ІІO ardagerlerine QR ІІM jáne Kóliktegi ІІD quqyǵymen nagradalar tapsyrdy. Merekelik is-shara barysynda «Nazarbaev-ǵasyr adamy» taqyrybynda derekti fılm kórsetildi.
Departamenttiń barlyq jelilik bólinisterinde de ardagerlerdi shaqyrýmen merekelik is-sharalar ótkizilip, ozyq qyzmetkerler marapattaldy.
