Kóliktegi ІІD «Mıgrant» jedel-aldyn alý sharasyn ótkizip jatyr
ASTANA. 29 qarasha. QazAqparat - 28 qarashadan bastap Qazaqstan Respýblıkasy ІІM Kóliktegi ishki ister departamenti qyzmet kórsetetin jer aýmaǵynda «Mıgrant» jedel-aldyn sharasy bastaldy,
dep habarlaıdy atalmysh departamenttiń baspasóz qyzmeti.
«Mıgranttyń" basty maqsaty - Qazaqstan Respýblıkasynda zańsyz júrgen sheteldikterdi anyqtaý jáne zańsyz kóshi-qon joldaryn aıqyndaý.
Bul shara barysynda tártip saqshylary jumysty kúsheıtilgen túrde júrgizip, qalalar men oblystardyń vokzaldaryn, áýejaılary men temirjol vokzaldaryn jáne gastarbaıterler shoǵyrlanatyn oryndardy tekseredi.
Operatsııa ótkizilgen birinshi kún ishinde kólik polıtseıleri QR kóshi-qon zańnamasynyń buzylýynyń birneshe faktisin anyqtady.
Máselen, 28 qarasha kúni «Mıgrant» jedel-aldyn alý sharasyn ótkizý barysynda JІІB qyzmetkerleri «Martuq-Jaısan» ótkelindegi №7 «Almaty-Máskeý» jolaýshylar poıyzynyń №2 vagonynda 1979 jylǵy Reseı azamatshasy ustaldy. Qujattaryn tekserý kezinde ol azamatshada QR kóshi-qon kartasynyń joqtyǵy anyqtaldy. Ol Almaty stansasynan Máskeý stansasyna deıin bara jatqan kórinedi.
Osy jáne ózge de anyqtalǵan faktiler boıynsha kólik polıtseıleri tekserý jumystaryn júzege asyryp jatyr.
«Mıgrant» jedel aldyn alý sharasy jalǵasýda.
