Kóliktegi ІІD qyzmetkerlerine «Mádenı mura» baǵdarlamasy keńinen túsindirildi
ASTANA. QazAqparat - Kóliktegi ishki ister departamentiniń Memlekettik til jáne aqparat basqarmasy qyzmetkerlerge «Qazaqtyń tól mádenıeti - asyl muramyz» atty ashyq sabaq ótkizdi. Sabaqtyń maqsaty - otbasylyq qatynastardy, moraldyq-etıkalyq jáne rýhanı-adamgershilik qundylyqtardy nyǵaıtý.
Ashyq sabaq barysynda 2004 jyly QR Prezıdentiniń qoldaýymen qabyldanǵan «Mádenı mura» baǵdarlamasy jóninde túsindirilip, olardyń oryndalýy jaıly aıtyldy. Máselen, baǵdarlama qabyldanǵannan beri 51 tarıhı jáne mádenı eskertkishtiń jumysy aıaqtalyp, 39 qalashyq pen qorǵandarǵa arheologııalyq zertteýler júrgizilgen. 218 nysandy qamtyǵan Qazaqstannyń tarıhy, mádenı jáne tarıhı eskertkishteriniń memlekettik tizimi daıyndalǵan. Qytaı, Túrkııa, Mońǵolııa, Reseı, Ózbekstan, Armenııa, AQSh jáne Batys Eýropa elderine ǵylymı-zertteý ekspedıtsııalary uıymdastyrylǵan.
Dáris barysynda atalǵan eskertkishter men halqymyzdyń kóne jádigerlerine qatysty mazmuny tereń maǵlumattar berildi. Tól tarıhymyz ben ózge halyqtarda joq baı mádenıetimizdiń urpaq tárbıesindegi jáne otbasyndaǵy mańyzdylyǵy jóninde de sóz boldy. Qatysýshylar otbasy jáne moraldyq etıkalyq, rýhanı qundylyqtar ortaǵa salynǵan ashyq sabaqta óz pikirlerin qazaq tilinde barynsha saýatty jetkizýge tyrysty.
Sabaq sońynda dáris alýshylar mátinde kezdesken etistikterge qatysty sóılem qurap, ótkizilgen taqyryp tóńireginde áńgimelep berdi, dep habarlady Kóliktegi ІІD baspasóz qyzmeti.
