Kóliktegi ІІD qyzmetkerleri qystyq kıim úlgisine kóshti
ASTANA. 21 qazan. QazAqparat - QR ІІM Kóliktegi ІІD qystyq kıim úlgisine kóshýine baılanysty saptyq baıqaýǵa turǵyzyldy. Dástúrli saptyq baıqaý departament ǵımaratynyń aldynda ótkizildi. Aıtýly sherýdi KІІD bastyǵynyń birinshi orynbasary polıtsııa polkovnıgi Talǵat Ótetileýov basqardy.
Basshylar qyzmetkerlerdiń qystyq kıimderin, syrt kelbetin, jınaqylyǵyn tekserdi. Jeke quramnyń barlyǵy derlik kıim kııý úlgisine baılanysty arnaıy buıryqtyń talaptaryna sáıkes ekendikterin kórsetti.
Mundaı saptyq baıqaýlar jylyna eki ret, ıaǵnı, kóktemde (jazdyq kıimge kóshken kezde) jáne kúzde (qystyq kıim úlgisine kóshkende) ótkiziledi.
Bul týraly Kóliktegi ІІD baspasóz qyzmetinen habarlady.
