Kóliktegi ІІD krımınalısteri avtomattandyrylǵan júıe boıynsha 9 623 tekseris júrgizdi
ASTANA. 26 qyrkúıek. QazAqparat - QR ІІM Kóliktegi ІІD-de keshe, 25 qyrkúıekte bastalǵan semınar-keńes búgin óz jumysyn odan ári jalǵastyrdy.
Semınar sheńberinde zamanaýı apparattyq keshenderdi paıdalanýdy uıymdastyrý jumystary jáne onyń tıimdiligi, sonymen qatar tergeý is-qımyldaryn jáne jedel-izdestirý is-sharalaryn júrgizý kezinde krımınalıstıkalyq ádisterdi paıdalanýdyń jańa baǵyttary boıynsha máseleler talqylandy. Bul týraly Kóliktegi ІІD baspasóz qyzmetinen habarlandy.
Semınar-keńes jumysyna QR ІІM-niń ókilderi, departament basshylyǵy men apparatynyń qyzmetkerleri qatysty. Sonymen birge semınar-keńestiń jumysyna departamenttiń jelilik bólinisteriniń aǵa krımınalısteri shaqyryldy.
Іs-sharany ótkizýdegi basty maqsat - jelilik bólinisterde krımınalıstıkalyq eseptiń avtomattandyrylǵan júıesiniń jumysyn uıymdastyrý, sonymen qatar krımınalısterdiń osy esepterdi qylmystardy ashýda jáne tergeýde tıimdi paıdalaný boıynsha basqa qyzmettermen ózara is-qımyl jasasýdyń máselelerin talqylaý.
Semınardy ashqan departament bastyǵynyń orynbasary polıtsııa polkovnıgi Baýyrjan Arǵynbaev jınalǵandarǵa bul basqosýdyń mańyzdylyǵyn túsindirip, onyń jumysyna tabystar tiledi.
«Krımınalıstermen krımınaldyq polıtsııa jáne basqa da qyzmettermen ózara is-qımyl jasasý barysynda esep berý kezeńinde avtomattandyrylǵan júıeler boıynsha 9 623 tekseris júzege asyryldy. Sonyń nátıjesinde 201 oń nátıjege qol jetkizildi, bul ótken jyldyń esepti kezeńimen salystyrǵanda 58 paıyzǵa kóp ári qylmystardy ashýǵa kómegin tıgizdi, sonyń ishinde - 96 tonaý, esirtki zattarynyń zańsyz aınalymy boıynsha 17 jáne basqa da qylmystar - 78», - dep atap kórsetti Jedel-krımınalıstıkalyq basqarma bastyǵy polıtsııa polkovnıgi Omar Jarasov.
