Kóliktegi ІІD-de «Quqyq tártibi» jedel-aldyn alý sharasy bastaldy
ASTANA. QazAqparat - 2014 jylǵy 25-27 tamyz kúnderi aralyǵynda Konstıtýtsııa kúni merekesi qarsańynda QR ІІM Kóliktegi ishki ister departamentiniń qyzmet kórsetý aýmaǵynda «Quqyq tártibi» jedel-aldyn alý sharasy ótkiziledi, dep habarlaıdy vedomstvonyń baspasóz qyzmeti.
Shara maqsaty - elimizdiń temir jol jáne áýe kóligi nysandarynda qoǵamdyq tártipti saqtaýdy qamtamasyz etý.
Kóliktegi ІІD bastyǵynyń orynbasary, polıtsııa polkovnıgi Talǵat Ótetileýovtiń aıtýynsha, jasalǵan qylmystarǵa jedel den qoıý jáne olar boıynsha protsessýaldyq sheshim qabyldaý úshin kezekshi bólimderdiń janynan kúsheıtilgen jedel-tergeý toptary quryldy.
Sondaı-aq, qoǵamdyq oryndarda qylmystar men quqyq buzýshylyqtardyń aldyn alý jáne jolyn kesý maqsatynda is-sharalar ótkizilip, múldem tózbeýshilik qaǵıdatymen júrý, qyzmet kórsetý aýmaǵynda ornalasqan stantsııalardyń parkterinde patrýldeý jumystary uıymdastyrylady. Temir jol jáne áýe kóligi nysandarynda bopsalaý, qalta urlyǵymen aınalysatyn adamdardyń qylmystyq áreketiniń jolyn kesý, qylmystyq jaýapkershilikke tartý jáne esepke alý maqsatynda olardy anyqtaý boıynsha reıdtik is-sharalar ótkiziledi.
Shara barysynda temir jol jáne áýe kóligi nysandaryn tekserý kezinde elimizde bolý erejesin buzǵan, el aýmaǵynan shyǵarý týraly sot sheshimin oryndamaǵan sheteldikterdi anyqtap, zańsyz kóshi-qondy uıymdastyrǵan quqyq buzýshylarǵa qatysty tıisti sharalar qabyldanady.
